HATAW! D'yaryo ng Bayan hatawtabloid.com
Wicked But Happy Ending ang handog nina Miles Ocampo, Inah Estrada, at Alyanna Angeles sa TV viewers sa Linggo para sa huling episode ng Wansapanataym Presents Witch-A-Makulit.
Sa kabila ng kanilang kasiyahan sa mundo ng mga mangkukulam, magsisimula nang mangulila sina Krystal (Miles), Jade (Inah), at Emerald (Alyanna) sa kanilang ama na si Pinong (Benjie Paras) na naiwan nila sa mundo ng mga tao.
Ano ang gagawin ng magkakapatid upang muling makita ang kanilang tatay lalo na ngayong ipinagbabawal ito ng kanilang lola?
Sa huli, mapagkakasundo ba nila Krystal, Jade, at Emerald ang mga tao at lahing mangkukulam?
Bahagi rin ng Witch-A-Makulit sina Malou Crisologo, Wilma Doesnt, Kristel Fulgar, Jon Lucas, CJ Navato, Nina Dolino, at Chienna Filomeno. Ito ay sa ilalim ng panulat ni Mariami Tanangco-Domingo at idinirehe ni Lino Cayetano mula sa Dreamscape Entertainment Television, ang original storybook ng batang Pinoy na Wansapanataym ay ang longest-running at most-awarded fantasy-drama anthology ng ABS-CBN.
