NANGANGAPA hanggang ngayon ang Mandaluyong City Police sa pagkawala ng isang Japanese national at nobya, sa Barangay Hulo, isang buwan na ang nakararaan.
Sa ulat ni Eastern Police District (EPD) director Chief Supt. Abelardo Villacorta, kinilala ang nawawala na sina Yuji Okada, 54, Japanese national, at Honeylyn Cirunay, 42, kapwa nanunuluyan sa Unit 1417, Irish Bldg., Tivoli Garden Residences, sa 69 Coronado St., Brgy. Hulo, Mandaluyong City.
Si Okada ay opisyal ng Avant Phils. Inc., na matatagpuan sa Unit 2402, One San Miguel Avenue Bldg., Shaw Blvd., Ortigas Center, Pasig City.
Huling nakita ang dalawa noong Hunyo 27, nang pumasok si Okada sa kanyang opisina mula alas-8:00 a.m. hanggang alas-5:00 p.m..
Nagtungo sa Mandaluyong PNP noong Hulyo 12, sina Joseph Salvaloza at Alberto Cirunay, Jr., kapatid ni Honeylyn para iulat ang pagkawala ng magkasintahan.
ni MIKKO BAYLON
