Wednesday , January 26 2022

Diary ng Pogi (Just Call me Lucky 2) (Part 41)

ANG PUTING PANYONG BIRTUD SA CHICKS NI TATA KANOR IPINASA KAY BOYING

Pero sinabi kong kahapon lang ay ako mismo ang nagdispatsa kay Karla.

“H-ha? B-bakit?” bulalas ni Biboy na ‘di makapaniwala.

“Personal reason ang dahilan…” ang sagot ko sa patuloy na pagsisinungaling:

Kung minsan, ang pakahulugan ng marami sa pananahimik ay malalim na lihim na pinakaiingatan ng naglilihim.

Natameme ang tatlo kong dabarkads, lalo na ang “Boy Lactacid” na si Mykel hari ng mga alaskador.

Kwentong Anting-Anting

Laging bida ang Cavite sa mga kwentong agimat o anting-anting. Ang ilan sa mga Ca-viteño na naging popular na personahe na nagtaglay umano noon ng pambihirang kapangyarihan ay sina “Nardong Putik,” “Bianong Bulag,” at “Kapitan Inggo.” At sa pagkaalam ko ay nai-sapelikula pa nga ang kanilang makulay na buhay.

Sa aming bayan sa Naic ay pinaniniwalaang may “anting-anting sa babae” si Tata Kanor. Matindi raw ang power sa pagpapaibig ng mga bebotski ang iniingatan niyang “magic panyo.” Mahigit otsenta na ang edad sa ngayon kaya nakararanas na raw ng power failure. At ‘yun ang dahilan umano ng matandang lalaki sa pag-reretiro bilang isang chickboy.

Idol ng kababata kong si Boying si Tata Ka-nor. At matagal na niyang inaambisyon na ipamana sa kanya ang anting-anting ng matandang lalaki. Kaya naman pinagpakitaan niya ng kabaitan at pagkamasunurin. Naging alalay siya sa mga personal na pangangailangan – tagabili ng kung ano-ano sa tindahan o sa palengke ng kabayanan. Tagasalok ng tubig sa poso ng aming barangay. At pinapel din niya ang tagahilot – masahe ng rayuma sa binti ni Tata Kanor.

Halos walang palya ang pakikipaglaklakan ng alak ni Boying sa kanyang idolo tuwing hapon. Kapwa lango na ang dalawa nang maparaan ako minsan sa kubol na kanilang pinagtataga-yan. Ewan kung kusang loob o dahil lamang sa kalasingan kung kaya ibinigay ng matandang lalaki ang iniingatan niyang puting panyo na kinasusulatan ng mga wikang Latin.

“Subok ko ang bisa n’yan sa mga tsiks,” ang sabi ni Tata Kanor kay Boying na napatunga-nga. “Kahit sinong babae na makursunadahan mo ay tiyak na mapapaibig mo…” (Itutuloy)

ni Rey Atalia

About hataw tabloid

Check Also

Krystall Herbal Oil

Lagnat, ubo, at sipon tatlong araw lang sa FGO Krystall herbal products

Back to BasicNATURE’S HEALINGni Fely Guy Ong Dear Sister Fely Guy Ong, Ako po si …

Krystall Herbal Oil, mosquito bite, Kagat ng lamok

Insect bites at peklat ‘walang sinabi’sa Krystall Herbal oil

Back to BasicNATURE’S HEALINGni Fely Guy Ong Dear Sis Fely Guy Ong,             Ako po …

Loiegie Dano Tejada

CEO & president ng Ms L’s Beauty and Wellness artistahin

MATABILni John Fontanilla ARTISTAHIN ang CEO & President ng napakatagumpay na negosyo na Ms L’s Beauty …

Alma Concepcion Rhea Tan Beautederm

Alma Concepcion proud user, seller, at ambassador ng Beautederm

ALAM MO NA!ni Nonie Nicasio IPINAHAYAG ni Alma Concepcion na proud siya sa mga produkto …

Krystall Herbal FGO Fely Guy Ong

Ubo’t sipon ngayong taglamig, Omicron ba?

Back to BasicNATURE’S HEALINGni Fely Guy Ong NITONG mga nakalipas na araw, sandamakmak ang nilalagnat, …

Leave a Reply