Monday , September 26 2022

She’s Dating The Gangster, humataw sa takilya! (Kathniel movie, naka-P80 milyon na sa loob ng apat na araw)

 

ni Nonie V. Nicasio

HINDI nagpa-awat ang lakas ng tandem nina Kathryn Bernardo at Daniel Padilla kahit sa kasagsagan ng ma-tinding bagyong Glenda. Kahit hinagupit ng bagyo ang mara-ming bahagi ng Metro Manila at Luzon, humataw pa rin sa takilya ang She’s Dating The Gangster at kumita ito ng P80 million pesos sa takilya sa loob ng apat na araw!

Ito ang ika-limang tambalan nina Kathryn at Daniel na itinuturing din bilang Teen King and Queen. Una silang nagtambal sa 24/7 in Love noong 2012, sinundan ito ng blockbuster na Sisterkas na entry sa MMFF. Tapos ay ang pelikulang Must Be Love last year na sinundan ng Pagpag: Siyam na Buhay na entry din sa 2013 MMFF.

Nagbukas noong July 16 ang naturang pelikula ng Star Cinema at kumita agad ito ng 15 mil-yon. Ito’y base sa July 17 Instagram account ni Mico Del Rosario, Star Cinema’s advertising and promotions manager na nag-post ng ganito: “P15 Million yesterday alone! Maraming mara-ming maraming salamat po!!! Love, #teamgangster #shesdatingthegangster”

Sa ngayon, palabas sa higit 200 sinehan ang blockbuster movie’ng ito nina Kathryn at Daniel. Inaasahang dadagsa lalo ang Kathniel fanatic sa pagganda ng panahon, kaya maaaring kahapon (Sunday) ay umabot na ang kita ng pelikula nila sa P100 million mark.

Sa ipinakitang kakaibang lakas sa takilya ng tambalang Kathniel, minsan pang pinatunayan ng dalawang teenstars na hawak nila ang korona bilang hottest at most bankable teenstars ng bansa.

Walang dudang sina Kathryn at Daniel ang bagog gold mine ng ABS CBN at Star Cinema. Ang next na aabangan naman sa kanila ngayon ng sandamakmak nilang fans ay ang follow-up na TV series nila sa Kapamilya Network, matapos ang super lakas sa ra-tings na Got To Believe.

Bukod kina Kathryn at Daniel, kasama rin sa She’s Dating The Gangster sina Khalil Ramos, Igi Boy Flores, Alexander Diaz, John Uy, Yana Asistio, Sofia Andres, Marco Gumabao, at Pamu Pamorada, with the special participation nina Dawn Zulueta at Richard Gomez.

HIRO PERALTA, GUSTONG MAGING PSYCHO-KILLER!

GUSTONG patunayan ni Hiro Peralta na may ibubuga talaga siya bilang actor, kaya naman nasabi nitong gusto niyang gumanap ng mga kakaibang roles. Kabilang sa mga papel na ito ay ang maging kontrabida at psycho killer.

“Nandoon po ako sa stage ng career ko na gusto kong gumawa ng mga roles na out of the box. Iyong mga character for example, ngayon po ang iniisip ko, gusto kong maging kontrabida. Gusto kong i-try, pero not that typical kontabida… gusto ko maging psychopath, iyong may sayad na parang sobrang psycho na kontrabida na willing pata-yin lahat ng kakalaban sa kanya.

“Kasi dati, yung perception ko is, ‘Gusto ko maging leading man, gusto ko maging leading man, gusto ko maging leading man…’ Anyway, gusto ko rin naman talaga, but nandoon na tayo sa stage na gusto ko ay may laman ‘yung character ko,” saad ng guwapings na alaga ni katotong John Fontanilla. Ang pinagkakaabalahan ngayon ni Hiro sa TV ay ang BFF at Walang Tulugan. Kailan lang ay isa siya sa awardee sa FAMAS para sa German Moreno Youth Achievement Award. Kasama niyang pinara-ngalan dito sina Ken Chan, Jerome Ponce, James Reid, Janine Gutierrez, at Julia Barretto.

About hataw tabloid

Check Also

Tanya emosyonal — Bumabawi si Vhong sa akin

I-FLEXni Jun Nardo MALIGAYA nang nagsasama ang aktor na si Vhong Navarro at asawang si Tanya Bautista-Navarro nang muling …

Blind Item, excited man

Male starlet marami ang natatanso kahit buking ang pagiging beki

ni Ed de Leon “BAKLA naman po siya talaga, pero marami ngang natanso dahil pogi …

Vhong Navarro Deniece Cornejo

Vhong aapela hanggang SC; Deniece magpapakatatag

HATAWANni Ed de Leon HANGGANG Korte Suprema ay nakahandang umapela ang legal team ni Vhong Navarro kung …

Ryza Cenon

Ryza tinalakan ang Maynilad (Water bill umabot ngP120k) 

MATABILni John Fontanilla SUPER shock si Ryza Cenon nang bumulaga sa kanya ang bill niya sa tubig …

Vhong Navarro Atty Alma Mallonga

Abogado ni Vhong nanindigan: ‘Di totoo ang bintang na rape

MA at PAni Rommel Placente SA panayam pa rin ng PEP.ph sa legal counsel ni Vhong Navarro na si Atty. …

Leave a Reply