Grade 4 pupil nalunod sa ‘kalakal’

LUMOBO ang tiyan at wala nang buhay ang isang 13-anyos na mangangalakal nang matagpuang lulutang-lutang sa Manila Harbour Center, Tondo, Maynila.

Ang bangkay ay kinilala ni SPO1 Richard Limuco, na si Christian Cernal, grade 4 pupil sa General Vicente Lim Elementary School, at residente sa Riverside 1, North Harbor,Tondo, Maynila.

Ayon kay lola Rosalea, 66, dakong 8:00 a.m., nang umalis sa kanilang bahay ang apo pero hindi na nakauwi hanggang matagpuan ang bangkay.

Nasa pangangalaga ng St. Rich Funeral ang bangkay para sa awtopsiya.(LEONARD BASILIO)