Friday , March 29 2024

She’s Dating The Gangster, naka-P20-M sa opening (Kahit may bagyo at walang koryente)

00 fact sheet reggeeBAGAMAT binabayo ng malakas na hangin ng bagyong Glenda ang buong Metro Manila noong Miyerkoles ay kumabig pa rin ng P20-M ang pelikulang She’s Dating The Gangster nina Daniel Padilla at Kathryn Bernardo.

Kuwento sa amin ng taga-Star Cinema, “naka-P20-M sa opening day ang She’s Dating The Gangster, wala pa ang mga Robinson Cinemas dahil sarado sila noong Wednesday.”

Sa madaling salita ay pareho lang sa opening day ng Maybe This Time nina Coco Martin at Sarah Geronimo.

“‘Pag nagbukas ang Robinson’s ay mas hihigit pa,” mabilis na sagot sa amin.

Sabagay, ilang theaters din mayroon ang Robinson’s Mall.

071914 kathniel
Mukhang hindi naman padded ang binanggit sa aming figures dahil  maski na maraming punong nagtumbahan sa mga daanan ay hindi naging dahilan para hindi dayuhin ng KathNiel supporters ang She’s Dating The Gangster at maski na sarado pa ang malls ay nakaabang na sila sa pagbubukas nito.

Nasa bahay lang kami noong Miyerkoles pero naka-monitor kami base na rin sa mga padalang mensahe ng KathNiel fans bukod pa sa naka-post din sa social media ang mahabang pila sa sinehan tulad sa SM North, Market! Market! Megamall, at Gateway cinemas.

Maging ang katotong Allan Sancon na nasa Fisher Mall noong Miyerkoles ng gabi para manood ng She’s Dating The Gangster kasama ang nanay niya at sinabi sa amin, “puno ate, maski last full show pa.”

Walang koryente ang buong Metro Manila at sa suspendido pa ang klase kaya siguro nagpuntahan ng malls ang lahat para magpalamig at manood na rin ng sine noong Miyerkoles.

Talagang pinanindigan ng supporters nina DJ at Kath ang sinabi nilang, “hindi po kami nangangako, pero susubukan naming maabutan ang P430-M nina Piolo (Pascual) at Toni (Gonzaga), sobrang pressure naman kayo, @bonoanbangus.”

Maski sa premiere night noong Martes sa tatlong sinehan sa Megamall na sponsored daw ng ABS-CBN Mobile at Toppo bukod sa Star Cinema ay puno lahat at maski na nagparamdam na sa Metro Manila ang bagyong Glenda ay hindi pa rin napigilan ang pagsugod ng KathNiel supporters kaya aminado ang mahigit sa 100 guardia ng Megamall bukod pa sa sariling marshalls ng ABS-CBN na nahirapan sila dahil sa rami ng tao, bata at matanda ay talagang nakipagsiksikan.

Grabe ang ipinakitang suporta ng fans nina Daniel at Kathryn dahil hindi nila inisip ang kanilang kapakanan sa gitna ng bagyong Glenda.

Kaya naman panay ang pasalamat at pagsasabing ‘mag-ingat po kayo’ nina DJ at Kath sa kanilang fans.

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *