NATAKASAN ang gwardiya ng Bulacan Provincial Jail ng isang presong may kasong murder dahil sa pagiging abala sa pagte-text kamakalawa.
Kinilala ang nakatakas na si Anthony Garcia Simangan, 32, at residente sa isang bayan sa lalawigang ito.
Habang nahaharap sa kasong administratibo ang nasabing gwardiya na hindi muna pinangalanan habang isinasailalim sa pagsisiyasat.
Ayon sa paliwanag ng isang nagpakilalang si Daniel Mauricio ng nasabing kulungan, inutusan ang tumakas na preso na magtapon ng basura ngunit nalingat ang bantay na abala sa pagti-text kaya sinamantala ng inmate ang pagkakataon para tumakas.
Naglunsad na ng manhunt operation ang mga awtoridad para madakip ang preso.
(DAISY MEDINA)
