Friday , March 29 2024

‘Pork barrel’ ipansusuhol ni PNoy? (Kongreso itatapat sa SC)

071614 Pnoy PDAF DAP SC court
MULING magpipiyesta ang mga mambabatas sa pagpapapogi sa kani-kanilang mga distrito para maihalal muli sa 2016 elections dahil suportado mismo ni Pangulong Benigno Aquino III ang tila pagbabalik ng kanilang “pork barrel”.

Sa ginanap na Daylight Dialogue forum kahapon sa Palasyo, hinimok ni Pangulong Aquino ang mga mamamayan na madaliin ang paghirit ng proyekto sa kanilang kongresista .

Ang pagbibigay ng insentibo sa lehislatura ang nakikitang paraan ng Pangulo upang maging kakampi ang lehislatura makaraan ideklarang unconstitutional ng Korte Suprema ang Disbursement Acceleration Program (DAP) ng kanyang administrasyon.

“What is doable. Again, incentivize the legislature, amongst other things. So we are not that far off from elections and this is, I think, the time where all politicians are very attuned to what their bosses want. So the bosses have to make that message very clear—perhaps in the form of letters, emails, text messages—to their representatives, reminding them that these are—this is what we want, these (are) our priorities, and please execute them as soon as possible. That’s the very first thing,” tugon ng Pangulo nang tanungin siya kung ano ang gagawin para maibsan ang “chilling effect” sa burukrasya ng pasya ng SC sa DAP.

(ROSE NOVENARIO)

CONSTITUTIONAL CRISIS PINANGANGAMBAHAN NG SOLONS

NANGANGAMBA ang ilang mambabatas na magkaroon constitutional crisis sa bansa dahil sa banggaan ng Malacañang at Supreme Court kaugnay sa Disbursement Acceleration Program (DAP).

Ito ay bunsod ng speech ng pangulo, “My message to the Supreme Court: We don’t want to get to a point where two coequal branches of government would clash and where a third branch would have to mediate…There was something that you did in the past, which you tried to do again, and there are those who are saying that [the DAP decision] is worse”.

Pananaw ni Valenzuela City Rep. Sherwin Gatchalian, posibleng magkaroon ng constitutional crisis kung patuloy na magmamatigas ang Malacañang kaugnay sa desisyon ng SC na unconstitutional ang DAP.

Habang ipinayo ni Parañaque City Rep. Gus Tambunting na tanggapin na lamang ng pangulo ang desisyon ng SC at huwag nang kwestyunin pa ang 13-0 decision.

Sinabi ni Bayan Muna Rep. Neri Colmenares, mistulang nagdeklara ng giyera ang pangulo sa SC. Aniya, tama ang desisyon ng SC at imposibleng mabago pa ito kahit may maganap na pananakot.

(JETHRO SINOCRUZ)

PNOY NAGHANAP NG KAKAMPI SA DAP

NAGHANAP ng kakampi si Pangulong Benigno Aquino III sa hanay ng mga negosyante sa pag-alma niya sa pasya ng Korte Suprema na unconstitutional ang Disbursement Acceleration Program (DAP).

Sa kanyang talumpati sa Daylight Dialogue: The Good Governance Challenge sa Palasyo kahapon na dinaluhan ni World Bank Group President Jim Yong Kim, nagbabala siya na posibleng maparalisa ang pag-unlad ng bansa at mabaligtad ang aniya’y malawakang progresong nakamit ng kanyang administrasyon.

Bagama’t wala aniya siyang sama ng loob sa Kataas-taasang Hukuman, inulit niya ang warning ng posibleng constitutional crisis o banggaan ng sangay ng ehekutibo at hudikatura na kinakailangan pakialaman ng lehislatura

Mistulang kinaladkad pa niya ang World Bank para idepensa ang DAP nang sabihin na pareho ang layunin nilang wakasan ang kahirapan.

(ROSE

NOVENARIO)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *