Wednesday , October 5 2022

P50-M DAP/PDAF ni Sen. Antonio “Sonny” Trillanes IV ginamit sa tama

00 Bulabugin JSY

MAY kasabihan, ang taong may malinis na konsensiya walang dapat itago sa sambayanan.

At d’yan tayo bumibilib kay Senator Antonio “Sonny” Trillanes IV.

Inilabas sa isang broadshit este broadsheet newspaper na si Sen. Trillanes ay kasama sa nabiyayaan ng P50 milyones mula umano sa Disbursement Acceleration Program (DAP).

Batay umano ‘yan sa rek0rd ng Department of Budget and Management (DBM).

Pero mabilis pa sa kidlat na naglinaw si Senator Trillanes sa pamamagitan ng social media network na mayroong documental attachment.

Inilinaw ni Senator Trillanes na sa pagkakaalam niya hindi mula sa DAP kundi sa Priority Development Assistance Fund (PDAF) ang nasabing P50 milyones at klaro sa letter-request niya kay dating Senate President Juan Ponce Enrile na may petsang August 13, 2012.

Hindi rin dumaan sa kanyang palad ang nasabing pondo dahil dumeretso ito sa mga proyekto ng DPWH sa ilalim ng iba’t ibang local government units (LGUs) sa iba’t ibang probinsiya sa buong bansa.

Mga impraestrukturang may kaugnayan sa edukasyon at sports ang karamihan sa mga proyektong pinondohan ni Senator Trillanes sa mga lalawigan ng Samar, Iloilo, Zamboanga, Cagayan, Oriental Mindoro, Ilocos Norte, Camarines Sur, Sorsogon, La Union, Bukidnon, Albay, Ilocos Sur, Aklan, Tacurong City, Baguio, Bulacan, Montalban (Rodriguez, Rizal) at Quezon City.

May inalaan din siyang pondo para sa Veterans Hospital at sa AFP General Headquarters.

Ang mga proyekto ay may halagang mula P300,000 hanggang P5,000,000.

O ayan po, malinaw ang ulat ni Senator Trillanes. Kung gusto n’yo pang mabusisi ang kanyang ulat dumako kayo sa: https://www.facebook.com/sonnytrillanes.official.

‘Yan po ang ibig sabihin ng transparency na ipina-practice ng magiting na SENADOR.

Hindi gaya ng ibang Senador na idineretso ang kanilang DAP/PDAF sa pekeng NGOs ni Janet Lim-Napoles!

TULISANG PULIS NA NANGGAHASA NG MENOR DE EDAD NA DETAINEE KINONSINTI AT PINATAKAS NI KERNEL TORRALBA!? (ATTN: DSWD & DILG)

IMBES mailigtas sa kapariwaan lalo pang nasira ang buhay ng isang 17-anyos na babaeng detainee nang ikulong sa Silang Municipal police station dahil umano sa kasong drugs.

Ang Silang Municipal police station ay nasa ilalim ng pamamahala ni Supt. Gil Torralba.

Ang 17-anyos na dalagita ay dinakip umano sa kasong droga. Hindi malinaw kung drug user o pusher.

Pero pinangakuan umano ng isang PO1 Randy Mandolado Macariza, 33-anyos, may-asawa, na tutulungan niyang makalaya ang menor de-edad na babaeng detainee kung sasama sa kanya sa motel.

Naganap ang panghahalay ng manyakol na pulis sa biktima nitong buwan ng Mayo sa Traveler’s Inn sa By Pass Road ‘di kalayuan sa nasabing estasyon ng pulisya.

Pagkalipas ng dalawang araw, muling niyaya ni Macariza ang biktima sa motel at muli, dahil sa kagustuhang makalaya ay muling pumayag sa gusto ng ‘pulisan’ (pulis na tulisan).

Pero umabot nang buwan ng Hunyo na nakakulong pa rin siya kaya nagsumbong na ang biktima sa kanyang tiyahin.

Agad naman daw nagpatawag ng imbestigasyon si Kernel Torralba at ang kaso ay isinampa sa Cavite Provincial Fiscal’s Office sa ilalim ni Prosecutor Larry Escabero, nitong July 4, 2014, Imus City, Cavite.

Pero ang ipinagtataka ng tiyahin ng biktima, walang aksyon si Kernel Torralba laban kay manyak ‘este’ Macariza na hindi man lamang isinailalim sa technical arrest kaya ang suspek ay nakatakas at ngayon ay idineklarang absent without official leave (AWOL).

Nagtataka rin ang tiyahin ng biktima kung bakit hindi ipinasa sa pangangalaga ng Department of Social Welfare Development (DSWD) ang kanyang pamangkin gayong siya ay menor de edad.

Nakatakda sanang i-turn over sa DSWD ang biktima pero sa Tagaytay Rehabilitation Center siya dinala sa kahilingan ng Silang PNP na tinanggihan naman ng Tagaytay Rehabilitation Center.

Hindi tinanggap dahil menor de edad ang biktima kung kaya muli siyang ibinalik sa Silang police station, imbes sa kustodiya ng DSWD ng nasabing Bayan.

Sinampahan ng kasong Rape alinsunod sa RA 7610 (child Abuse) ang suspek sa RTC Imus na may Case No. IV 03 INV 14G 2090 at administrative case.

Ang tanong nga, nasaan ngayon ang suspek, KERNEL TORRALBA?!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply