Thursday , October 6 2022

Pang-finals lang si James Yap

WALA mang nakuha sa mga ipinamigay na parangal sa Leo Awartds ng Philippine Basketball Association noong Hulyo 5 ay walang hinanakit ang superstar na si James Yap.

Alam naman niya na overall ay hindi naging maganda ang kanyang mga numero sa elimination round ng tatlong conferences ng katatapos na 39th season. Gumaganda lamang ang kanyang laro pagdating ng playoffs at lalung-lalo na kapag Finals na.

Katunayan,  dalawa sa tatlong Finals ng nakaraang season ay pinarangalan si Yap ng PBA Press corps bilang finals Most Valuable Player.

Noong Miyerkoles ay nagtala siya ng 29 puntos  upang pangunahan ang 92-89 panalo ng San Mig Coffee kontra Rain Or Shine sa Game Five ng PLDT Home Telpad PBA Governors Cup.

Bunga ng performance na iyon ay nagkampeon ang Mixers at nabuo nila ang ikalimang Grand Slam sa kasaysayan ng PBA.

Kaya naman bulalas ng halos lahat, “pang-Finals talaga si Yap!”

Ika nga, kung kailangang-kailangan ng kanyang koponan ay magde-deliver siya. Kaya nga tinagurian siyang Big Game James.

Aniya, kahit kailan ay hindi naman siya naghinanakit sa paraan ng paggamit sa kanya n San Mig Coach Tim Cone. Ito’y contrary sa mga nagsasabing isa si Yap sa mga vocal hinggil sa estilo ni Cone nang ito ay humawak sa San Mig Coffee tatlong taon na ang nakakalipas.

“Kung ano ang diskarte ni coach, okay sa akin. Wala akong reklamo. Hindi ako ganoong klaseng player. kahit sinong coach ay sinusunod ko,” ani Yap. “Alam nila kung ano ang makabubuti sa isang player at sa team.”

So, hindi man siya napabilang sa Mythical First Five o Mythical second team, alam ni Cone kung ano ang tunay na kahalagahan ni Yap sa San Mig Coffee at sa liga.

Ipinakita ito ni James sa nakaraang finals.

At patuloy niya itong ipakikita sa mga taong darating.

Sabrina Pascua

About hataw tabloid

Check Also

Floyd Mayweather AQ Prime 2

Floyd Mayweather walang balak mag-artista   

COOL JOE!ni Joe Barrameda LINGID sa kaalaman ng iba ay tahimik na dumating dito sa …

Floyd Mayweather AQ Prime

Docu ni Mayweather ilalabas sa AQ Prime; wala lang lovelife

SHOWBIZ KONEKni Maricris Valdez Nicasio INILUSAD ng AQ Prime streaming platform bilang kanilang bagong mukha ang American …

Darwin Laylo

Para sa Biyernes
PEZA PUNONG ABALA SA RAPID CHESS TILT 

MANILA — Sa pakikipagtulungan ng JC Premiere Marikina Business Center ay magsisilbing punong abala ang …

Nicola Queen Diamante

Sa 1st Novice Swim Championship
6 MEDALYA HINAKOT NI DIAMANTE

NADOMINA ni Nicola Queen Diamante ang anim sa pitong event na nilahukan para tanghaling “most …

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Leave a Reply