Thursday , September 29 2022

Kamkam, makabuluhang pelikula na sumasalamin sa lipunang Pinoy

070414 Kamkam

ni Nonie V. Nicasio

NAPANOOD namin ang pelikulang Kamkam sa premier night nito last Sunday at nalaman namin kung bakit Graded-A ito ng Cinema Evaluation Board.

Kasaysayan ito ng isang Kingpin sa Sitio Camcam na ginampanan ni Allen Dizon. Kontrolado niya ang halos lahat ng illegal na gawain sa kanilang lugar tulad ng droga, pasu-galan, illegal na koneksiyon ng tubig at ilaw, jueteng at iba pa. Tatlo rin ang asawa niya rito, ang orig na si Jean Garcia, ang no. 2 na si Sunshine Dizon, at si Jackie Rice na bagong babae ni Allen na galing sa club na iginarahe at ibinahay niya sa kanilang lugar din.

Makikita sa bagong obrang ito ni Direk Joel Lamangan ang salamin ng kahirapan, korupsi-yon, pang-aabuso, at gamitan ng mga taong handang kumapit sa patalim para lamang maka-survive sa mga dagok at pagsubok ng buhay. Napapanahon at makabuluhan ang pelikulang ito ni Direk Joel.

Nagsusumigaw dito ang problema sa lipunan na higit pa sa makikita ritong mga basura sa estero, palakasan ng mga nasa poder, at baho at kabulukan ng sistema na kailangang pikit-matang lunukin ng mga nakatira rito dahil wala naman silang pagpipilian. Na ang mga mahihirap ay ginagamit lang ng mga politiko at kapag tapos na ang eleksiyon ay balewala na dahil yagit lang talaga ang trato sa kanila.

Sina Jean at Emilio Garcia bilang Kagawad at Barangay Chairman respectively, ay mga corrupt na politiko na im-bes maglingkod sa nasasakupan nila ay promotor pa sa mga katiwalian sa kanilang lugar.

Bilang Kingpin naman, si Allen ay protektado ng kanyang ninong na hepe ng pulisya, na siyempre pa ay bastante sa patong. Money talks ang labanan, ‘ika nga.

Sa bandang huli, huli na nang nagsisi si Allen at nawalan ng saysay ang kanyang pa-ngarap na magbagong buhay. Na kapareho rin ng sasapitin ng mga nakatira sa Sitio Camcam dahil sa pag-demolish sa mga squatters dito upang tugunan ang mas malaking ganansiya sa pagbenta ng lupang tinitirhan ng mahihirap, para paboran at magbigay-daan sa mga negosyanteng Koreano.

Bukod sa magaling na direksiyon ni Direk Joel, impressive sa casts sina Jim Pebanco, effective at effortless siya bilang bading na kanang kamay ni Allen na may pagti-ngin sa kanya. Ang orig wife na si Jean na kuwela ang pakikipag-tarayan kay Jackie, si Sunshine bilang no. 2 na naging religious, at si Allen na talagang mas lumalim ang acting sa pelikulang ito. Special mention din si Jackie na talagang nag-level-up ang acting dito at nagpaka-daring pa. Bigay na bigay siya sa love scenes niya rito kina Allen at Kerbie Zamora.

Ang pelikulang Kamkam ay mula sa Heaven’s Best Entertainment. Showing na ito simula pa nitong Hulyo 9, tampok din dito sina Elizabeth Oropesa, Joyce Ching, Lucho Ayala, Rita de Guzman, Hiro Peralta, Athena Bautista, Zeke Sarmenta, at si katotong Benjie Felipe.

Sulit ang ibabayad ng manonood sa pelikulang Kamkam kaya hindi ito dapat palagpasin. Congrats Direk Joel at sa line producer nitong si Dennis Evangelista.

About hataw tabloid

Check Also

Cristine Reyes

Cristine namali ng balanse tumama ang likod sa sahig

SHOWBIZ KONEKni Maricris Valdez Nicasio TATLONG beses nagpa-check-up ng likod sa isang espesyalista si Cristine Reyes dahil …

Lolit Solis Kris Aquino Josh BImby

Kahit may sakit din at nasa abroad
KRIS INALAM ANG MGA KAILANGAN NI MANAY LOLIT

SHOWBIZ KONEKni Maricris Valdez Nicasio KILALA si Kris Aquino sa pagiging matulungin kaya naman hindi na kami …

Pokwang

Pokwang nagpapatayo ng bonggang summer house para sa 2 anak

I-FLEXni Jun Nardo NAGPAPATAYO ang komedyanang si Pokwang ng tinatawag niyang summer house sa Bataan para sa …

GMA Kapuso stars tulong bagyong Karding

Kapuso stars namahagi ng tulong sa mga apektado ni Karding

I-FLEXni Jun Nardo NAKIPAG-BAYANIHAN ang Kapuso stars sa mga apektado ng Bagyong Karding. Nag-volunteer ang ilang Kapuso …

Blind Item, Man Woman Fighting

 ‘Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Leave a Reply