Friday , March 29 2024

The same ‘old’ guy whose name is Bong Naguiat

00 Bulabugin JSY
MARAMI ang nagpapatanong nito sa atin para kay Philippine Amusement and Gaming Corp., (PAGCOR) Chairman Cristino “Bong” Naguiat, Jr.

“Hindi pa rin ba nagbabago si Bong Naguiat?”

Noon po kasing ikalawang taon ni Mr. Naguiat bilang Chairman ng PAGCOR, mayroong lumapit sa inyong lingkod na isang events promo girl.

Ang nagreklamo po ay promo girl mismo ng PAGCOR.

Sabi niya, sa isang event umano nila ay parang nalasing si Mr. Naguiat at pilit siyang hinahalikan. Buti na lang nga at malakas ang loob niya kaya naitaboy niya nang walang eskandal0 si Chairman.

Pero naniniwala siya na marami ang nakakita sa nasabing pangyayari.

After natin mailabas ang nasabing reklamo sa ating kolum, agad nakipag-ugnayan sa inyong lingkod ang isang Mr. JB ng Pagcor, gusto raw makipag-usap ni Mr. Naguiat para naman maipaliwanag ang kanyang panig.

Nagkausap namin kami, doon pa nga sa upper floor sa isang Chinese restaurant ng HYATT Hotel.

Baka raw may isusunod pa ako sa aking kolum, huwag ko na raw sundan kasi mukhang na-misinterpret lang daw ang mga aksyon niya.

Kausapin ko na rin daw ‘yung babae at baka lumaki pa ang eskandalo. Na pinagbigyan ko naman sa ngalan ng friendship.

Anyway, nalampasan na ni Chairman Naguiat ang insidenteng iyon sa kanyang buhay.

At hindi na rin naman kami nagkikita, maliban kung nagkakasalubong sa isang lugar o may okasyon na pareho kaming naiimbitahan.

Ngayon ay nahaharap na naman sa isang malaking kontrobersiya si Chairman Naguiat.

Nananawagan ang House minority block sa Kamara na tanggalin na si Naguiat sa PAGCOR bilang Chairman dahil umano sa hindi maipaliwanag na anomalyang kinasasangkutan.

Marami na rin ang humihiling na isailalim na siya sa lifestyle check dahil parang hinipang lobo raw ang kanyang pagyaman.

Pero sa totoo lang, may iba pang dapat silipin sina Party-list Rep. Neri Colmenares — ‘yan ‘yung pagbibigay ng ads contract sa mga diyaryo, radio at telebisyon na daan-daan milyong piso ang ginagastos.

Ang ipinagtataka lang no’ng ibang naaambunan ng maliliit na ads, daan-daang milyones ang kanilang gastos pero kung magbayad naman sila ay halos abutin ng isang taon.

Pero ‘yung binubuhusan nila ng ADS at regular na binabayaran nang maaga ‘e ‘yun pang mga banat nang banat kay PNoy …

Kakakiba ‘di ba?!

By the way, pwede bang isama na rin a lifestyle check si PAGCOR PR head Madam Maricang este Maricar Bautista dahil siya ang itinuturong may kinalaman sa daan-daang milyones na ADS na ‘yan …

Ang tanong lang kay Madam Maricar ‘e, bakit ang mas napapaboran ‘e ‘yung panay ang banat kay PNoy … may ‘malaki’ bang cash-sunduan este kasunduan d’yan?!

Paki-esplikang-kang ‘este paki-esplika na rin nga, Ms. Bautista!

JUETENG OPS NI BOLOK SANTOS SA METRO SOUTH OPENING SALVO NA BUKAS! (MARTES)

NGUMITI raw nang napakahaba at napakalaki ang mga kabo, area manager at management na dumalo sa ipinatawag na meeting sa bahay ni BOLOK SANTOS sa Narra St., Marikina City nitong nakaraang Huwebes para sa kanilang jueteng operation sa Metro South an magsisimula bukas.

Isang tsinoy na alyas KEVIN daw ang naglatag at kumamada ng jueteng operation ni Bolok Santos sa Metro South gaya sa Pasay, Makati, Taguig, Las Piñas, Parañaque, at Muntinlupa.

Ang pangako ni KEVIN kay BOLOK, “Swak tayo sa Martes!”

Malakas daw ang loob ni Kevin na ipangako ‘yan kay Bolok Santos dahil kompleto ang packaging nila.

Mula umano sa DILG, PNP NCRPO, NBI, sa ITAAS  at sa SPD. Pati nga raw mga COP at PCP commanders areglado rin!?

Aba, kung totoo ‘yan, madali natin mararamdaman ‘yan dahil mananahimik lang ang PNP officials.

At dahil sa pagtitiyak na ‘yan ni BOLOK SANTOS talaga namang todo-kain at todo-inom ang ginawa ng mga kabo, area manager at management ay mayroon pang pasahe pag-uwi.

SILG Sec. Mar Roxas, sir, aabangan mo na lang ba kung matutuloy o hindi ang jueteng operation ni Bolok Santos?!

O baka naman areglado na ang parating sa PNP at hindi mo na kailangan maghintay?!

Paging PNP chief, ALAN PURISIMA and SILG MAR ROXAS!

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Leave a Reply

Your email address will not be published. Required fields are marked *