3 kelot sinunog ng ‘Vigilantes’
TATLONG bangkay ng lalaki na pawang sunog ang natagpuan sa isang basurahan sa Tagoloan, Misamis Oriental.
Sa ulat ng pulisya, nagda-jogging ang isang Ricarte Talipan, nang mapansin ang mga sunog na bangkay ng tao na nakahalo sa mga basurahan.
Ayon kay Talipan, napatingin siya sa mga basura dahil umuusok pa kaya napansin ang mga bangkay.
Nang siyasatin, nakita na may nakatakip na sako sa mga mukha kaya pinaniniwalaan ng pulisya na posibleng pinahirapan muna bago pinatay at saka sinunog ang mga biktima.
Inaalam ng pulisya kung biktima ng vigilantes ang tatlong lalaki dahil sa estilo ng pagpatay.
(Beth Julian)
