Friday , February 3 2023

Airport ground crew malubhang nasugatan (Kidlat tumama sa buntot ng eroplano)

MALUBHANG nasaktan ang isang ground personnel nang tamaan ng kidlat ang nakaparadang Cebu Pacific Airbus A320 plane sa Ninoy Aquino International Airport terminal 3, ulat ng Manila International Airport Authority (MIAA) kahapon.

Nasa ground ng airport ang biktimang si Celdon Abalang, nang biglang tumama ang kidlat sa buntot ng eroplano na tumulay sa wire ng kanyang headset kaya labis siyang napinsala.

Si Abalang ay nagtatrabaho bilang ground crew ng Aviation Partnership Philippines Corporation na nakatalaga sa Cebu Pacific Air (CEB).

Nakatalaga ang biktima nitong Huwebes  ng gabi sa CEB flight 5J362 patungong Macau, naki-kipag-usap sa kanyang kasama at naghihintay ng clearance para sa push back ng eroplano sa Bay 109 nang maganap ang insidente sa kasagsagan ng malakas na ulan.

Mabilis na isinugod sa Cebu Pacific clinic ma-lapit sa terminal 4 ng kanyang mga kasamahan para sa first aid treatment at pagkaraan ay dinala sa Makati Medical Center.

Ayon sa Cebu Paci-fic, nakikipag-ugnayan na sila sa employer ni Abalang para sa kaukulang tulong.

Ayon naman kay NAIA terminal 3 manager Octavio Lina, lagi nilang pinaalalahanan ang lahat ng ramp personnel tuwing may thunderstorm.

Sa ganitong sitwasyon lahat ng airport ground crews ay pinagsasabihan na umalis sa operation area sa tuwing masama ang panahon o may kidlat.

(GLORIA GALUNO)

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply