NAMATAY ang isang batang babae habang 40 pamilya ang nawalan ng tirahan sa naganap na sunog sa isang residential area sa Mandaluyong City kahapon.
Ang biktima ay nabatid na naiwan sa loob ng inuupahang three-story house sa Brgy. Mauway nang maganap ang insidente.
“Nakita natin ang kinalalagyan niyang pwesto. Sa ngayon charred beyond recognition,” pahayag ni Fire Inspector Francia Embalsado ng Mandaluyong City Bureau of Fire Protection.
Sa imbestigasyon, nang umuwi mula sa paaralan ang biktima ay nagpasyang matulog sa kanilang bahay ngunit na-suffocate dahil sa naganap na sunog.
Nagsimula ang sunog dakong 1:23 p.m. at umabot sa fourth alarm bago naapula dakong 3:15 p.m.
