Wednesday , May 29 2024

Tiba-tiba ang Valenzuela at Munti

TULOY-TULOY ang progreso sa Lungsod ng Valenzuela.

Ito ang ipinararamdam ngayon ni Mayor Rex Gatchalian matapos isakatuparan ang sangkatutak na proyekto na talaga naman kailangang-kailangan ng tao.

Magmula sa sangkatutak na silid-aralang naitayo at ipinatatayo ay pinagtuunan rin ng dobleng pagtingin ang problema sa lungsod sa baha.

Tuloy-tuloy ang paglilinis ng daluyang tubig sa lungsod at katunayan ay bumili pa ang kasalukuyang liderato ng makabagong heavy equipment para gamitin dito.

Maging ang mga barangay ay todo ang pagkalinga ni Mayor Rex dahil bukod sa regular na tulong para sa kanilang mga pagawain ay inayos at binago niya ang halos lahat ng health centers sa siyudad.

Sa kasalukuyan ay mahigit sa walong (8) modernong barangay hall na kompleto sa lahat ng uri ng pangangailangan sa paglilingkod ang ipinatatayo ni Mayor Rex at iyan ang kaabang-abang sa lahat.

Maging ang senior citizens ay kanya rin kinakalinga at patunay na nga rito ang mga proyektong makabuluhan gaya ng pagbibigay niya ng trabaho bilang traffic enforcer at first aide responder sa lahat ng pampublikong paaralan sa siyudad.

Sa maikling salita, mapalad ang Valenzuela dahil mayroon silang Mayor Rex Gatchalian na tunay na nagmamalasakit sa kanyang pamayanan.

***

Swerte ang siyudad ng Muntinlupa dahil nagkaroon sila ng alkalde na may malasakit sa bayan at kanyang mga mamamayan.

Ito ay matapos ipakita ni Mayor Jaime Fresnedi ang kanyang galing sa paglilingkod at serbisyo publiko sa kabila ng sangkatutak o bilyong utang na iniwan sa kanya ni dating alkalde Aldrin San Pedro.

Sa hindi po nakaaalam, umabot sa P2 bilyon ang utang na iniwan ni San Pedro kay Fresnedi kaya naman todo sipag ang kasalukuyang alkalde na makakoleksyon nang husto para mabayaran ang pagkakautang at para na rin maisakatuparan ang kanyang mga pangunahing proyekto.

Kataka-takang nakapagsubi o nakapag-save pa ng P17 milyon sa kaban ng Muntinlupa si Fresnedi sa kabila ng pagbabayad niya ng utang at ang lalong nakamamangha ay patuloy na bumabaha ang proyekto sa lungsod ng Muntinlupa.

Para sa kaalaman ng lahat, sa Muntinlupa lamang tayo makakikita ng scholarship mula sa elementarya hanggang sa kolehiyo dahil sa kakaibang ideya ni Fresnedi.

Malinaw kasi sa pamantayan ni Fresnedi ang pagkalinga at edukasyon kaya’t todo ang suportang ibinibigay niya sa kabataan.

Maging sa aspeto ng pagbibigay bahay ay tinututukan ni Mayor Jimmy at katunayan nga nito ay kabibigay niya lang ng disenteng bahay sa mga residente ng Barangay Putatan at mga ilang buwan na lang ang aantayin ng Barangay Tunasan, sila naman ang makatitikim ng pabahay ni Fresnedi.

Maging ang waste water treatment facility sa Alabang Market ay naayos na ni Fresnedi kaya naman tuwang-tuwa ang mga residente at mga tindera sa naturang pamilihan.

Sangkatutak pang proyekto ang isasagawa ni Fresnedi sa Munti kaya’t kapit lang tayo dahil marami pang darating na maganda sa naturang lungsod.

Alvin Feliciano

About Alvin Feliciano

Check Also

FIRING LINE ni Robert B. Roque, Jr.

Katotohanan sa likod ng kuwento ni Guo

FIRING LINEni Robert B. Roque, Jr. INAAKALA marahil ni Mayor Alice Guo na nagbibigay siya …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …

Leave a Reply

Your email address will not be published. Required fields are marked *