Illegal towing carnapping din (Ayon kay Sen. Grace Poe)
WALANG pagkakaiba sa gawain ng carnapping syndicates ang isinasagawang illegal towing na paglabag sa karapatang pantao kaya’t kailangan nang sapat na parusa.
Ito ang nilalaman ng Senate Resolution 708 na inihain ni Senadora Grace Poe, naglalayong magsawaga ng imbestigasyon at gumawa nang sapat na batas na ipatutupad sa labang sa illegal towing ng isang sasakyan.
Ayon kay Poe, inihain niya ang panukala makaraan dagsain ang kanyang tanggapan ng mga reklamo ng mga nagkalat na illegal towing companies.
Tinukoy ni Poe, batay sa datos ng Metro Manila Development Authority (MMDA), mayroon lamang 24 accredited towing companies.
Sa resolusyon ni Poe, nais niyang ipatupad ng MMDA at Philippine National Police ang pagsugpo at pagtugis sa
nagkalat na fly-by-night operators at criminal syndicates na nagsasagawa ng illegal towing at naniningil nang malaking halaga.
Nananawagan din si Poe sa mga awtoridad na suriin ang bawat towing companies para matukoy kung sumusunod sila sa batas. (NIÑO ACLAN/
CYNTHIA MARTIN)
