Alex, ayaw patulan ang isyung anino lang siya ni Toni

ni Dominic Rea

[divider]

BAKLANG-BAKLA namang humarap si Alex Gonzaga sa entertainment media sa presscon ng kanyang latest seryeng Pure Love na mapapanood na simula ngayong July 7 sa primetimebida ng ABS-CBN!

Aliw talagang kausap si Alex kahit noong nasa kabilang network pa ito. Simpleng daldalitang baklita ang dating niya sa amin na kahit paano ay nakikita at nararamdaman naman namin ang kanyang sensiridad noh!

Sabi nga namin, mukhang mas magaling siyang aktres kaysa  kanyang kapatid na si Toni Gonzaga, feeling lang namin.

Anyways, sabi pa ni Alex, sobrang bilis ng mga biyayang kanyang natatanggap simulang nasa bakuran na siya ng Kapamilya Network. Honored siyang pagkatiwalaan  ng ABS-CBN at willing din naman daw siyang ibigay ang kanyang parte. But when asked about some issues like anino lang siya ng kanyang Ate Toni, sinabi nitong wala siyang panahong patulan ang mga ito at naniniwala siya sa kasabihang we cannot please everybody. Pak!

[divider]

DYESEBEL, THREE WEEKS NA LANG SA ERE

YES! Kompirmado! Tatlong linggo na lang mananatili ang seryeng Dyesebel  ayon pa sa isang insider ng Dreamscape.

Sa kabila ng pagiging consistent top rating nito sa primetime ay tuluyan na ngang matatapos ang seryeng ito. In fairness sa Dyesebel, na-maintain nito ang kanyang excellent performance since day 1. Marami talaga ang nagtataka kung bakit ganoon kabilis ang pagtatapos ng mga teleserye sa primetimebida nowadays pero base sa napakaganda at simpleng paliwanag ng isang insider na kapag pinahaba o lagyan pa ng extension ang kuwento ng isang serye, imbes na ma-sustain nito ang napakataas na ratings ay baka bigla lang itong lumaylay!

Totoo nga naman! Honestly, may mga serye talagang good for 6 months not intended for stretching kaya bongga talaga ang ABS-CBN sa pagiging experimental nila. ‘Yan ang Kapamilya Network!