Davao City inalerto ng pangulo

PINULONG ni Davao City Mayor Rodrigo Duterte ang kanyang mga lokal na opisyal at matataas na pinuno ng law enforcement agencies makaraan makatanggap ng tawag mula kay Pangulong Benigno Aquino III para ipaalam na may banta sa seguridad ang lungsod.

Kamakalawa ng gabi inilagay sa heightened alert ang buong Davao City bilang pagtalima sa ibinigay na impormasyon ni Aquino.

Hindi na idinetalye ni Duterte ang pinag-usapan nila ng pangulo tungkol sa sinasabing banta sa seguridad ng lungsod.

Ayon sa alkalde, ibinilin sa kanya ng pangulo na “don’t take it lightly” ang ibinigay na impormasyon, na ibinilin rin ni Duterte sa mga opisyal na kanyang pinulong.

Gayon man, tiniyak ni Duterte na kontrolado nila ang sitwasyon at handa silang harapin ang ano mang banta sa seguridad sa lungsod.

HATAW News Team