HATAW! D'yaryo ng Bayan hatawtabloid.com
TIMBOG ang isang waitress na tulak ng shabu sa isang buy bust operation sa Sitio Bulabog, Barangay Balabag, Boracay.
Nakapiit na sa detention cell ng Aklan Provincial Police Office (PPO) ang suspek na si Nestle Estropegan, 20, residente ng Barangay Feliciano, Balete, Aklan at pansamantalang nakatira sa Sitio Ambulong, Barangay Manoc-Manoc, Boracay.
Ayon kay PO2 Joy Raot-Raot ng Boracay Tourist Assisstance Center (BTAC), nagpanggap na poseur buyer ang isang police asset at nang aktong iniaabot ang shabu ay agad inaresto ang suspek.
Bukod sa isang plastic sachet na shabu at P1,000 marked money, nakuha sa suspek ang 29 sachet ng shabu na may halagang P45,000 nang isagawa ang boxdy search.
Inamin ni Estropegan na kumukuha siya ng shabu sa Metro Manila at ipinapadala sa isang courier service na nakasiksik sa tsinelas ng bata.
Kasong paglabag sa RA 9165 o Comprehensive Dangerous Drugs Act of 2002 ang isasampa laban sa suspek.
(Beth Julian)
