PISAK ang ulo ng isang pahinante matapos masagasaan nang tumalon mula sa sinasakyang trak matapos sabihin ng driver na nawalan ng preno kahapon ng madaling araw sa Valenzuela City .
Patay agad ang biktimang si Jowersky Manrique, 18, ng Tibagan, Bustos, Bulacan, sanhi ng pagkalasog ng katawan at pagkapisak ng ulo nang maipit sa gulong ng trak.
Kusang-loob na sumuko sa pulisya ang suspek na si John Mark Espartero, 25, driver ng Mitsubishi- Fuso (PSA- 928), taga-Tabang, Guiguinto, Bulacan.
Naganap ang insidente dakong 1:35 a.m. sa Mc Arthur Highway, Brgy. Karuhatan, Valenzuela.
Ayon kay Espartero, sumigaw siya na nawalan sila ng preno kaya nataranta ang biktima at tumalon mula sa trak kaya nagasaan.
(ROMMEL SALES)
