Ikaw Lamang, pinadapa ang 2 katapat na GMA show!

ANONG nangyari sa mga programang Carmela at Kambal Sirena ng GMA 7 na tumapat sa Ikaw Lamang ng programming nina Coco Martin at Kim Chiu?

Dating Carmela ang katapat ng Ikaw Lamang, pero dahil laging laos sa ratings game ay naging Kambal Sirena na waley din at balita namin ay may bagong show na ipapasok.

Hindi naman itinanggi ng taga-GMA 7 na talagang napag-iiwanan na sila in terms of ratings game, “lumalaban naman kami, magkaiba kasi ang pinagkukunan ng ratings ng ABS at GMA, minsan panalo kami, minsan talo. Hindi naman porke’t nagpalit ay talo na.”

Sabagay, maraming nag-aabang kung anong mangyayari sa buhay ng mag-inang Angel Aquino at Kim Chiu na may maitim na balak si Ronaldo Valdez na it turned out na siya pala ang pinakamasamang karakter sa Ikaw Lamang at hindi si John Estrada. At kakampi pa ni Ronaldo ang apong nuknukan din ng sama na si Jake Cuenca na mas mahal ang asawang si Kim kaysa pangalawang anak nila.

Hindi kaya ang ending, kakampi na rin si Julia Montes kina Ronaldo at Jake dahil sa selos nito kay Kim?

Anyway, kanino ba talaga ang loyalty ni Ronnie Lazaro, kay Ronaldo o kay John?