Misis tinaga ni mister sa bingohan (Nagising na wala sa tabi)

PINAGTATAGA ng isang lalaki ang kanyang misis habang naglalaro ng binggo nang magising na wala sa kanyang tabi ang biktima sa Port Area, Maynila kamakalawa ng hapon.

Hindi na umabot nang buhay sa ospital ang biktimang si Monica Bañez, 56, gayon man agad naaresto ang suspek na si Arsenio Bañez, 56, kapwa ng Area 7, Gawad Kalinga Village, Baseco Compound, Port Area.

Hindi maipaliwanag ng suspek kung ano ang nangyari basta ang naalala niya ay nagising siyang wala sa kanyang tabi ang kanyang misis.

Sa imbestigasyon, dakong 5 p.m. kamakalawa habang naglalaro ng binggo ang biktima nang biglang dumating ang suspek na armado ng junggle bolo at bigla na lamang pinagtataga ang kanyang misis.

Bunsod nito ay nagtakbuhan sa matinding takot ang mga taong kalaro ng biktima.

“Nakainom ng alak ‘yung biktima, Redhorse at Emperador ang ininom niya, naalimpungatan siya, hindi pa natin malaman kung sinaniban siya ng masamang espiritu o hindi,” Ayon kay Chief Insp. Steve Casimiro.

Nakatakdang sampahan ang suspek ng kasong parricide.

(LEONARD BASILIO)