Friday , March 29 2024

Kuwentuhang condom

NAAALALA ko no’ng minsang napag-usapan namin ang condom habang kumakain kami ng aking mga kaibigang sina Joseph at Rey na hindi umaalis ng bahay nang wala nito, para bang bullet-proof vest ng sundalong sasabak sa giyera.

Naalala ko kung paanong nalulungkot sila—parehong sarado-Katoliko—sa pagturing ng Simbahang Katoliko sa artificial birth control bilang pagkamuhi sa mismong buhay. Na para ba’ng ang paggamit ng contraception kaysa natural na pagkontrol sa pag-aanak ay maituturing na pagpatay sa buhay na hindi pa naman nabubuo.

Maraming Katoliko, gaya ng mga kaibigan ko, ang napilitan nang talikuran ang turong ito ng Simbahan.

At kasing dami rin nito ang naniniwala na isang trahedya kung paanong ang walang limitasyong panganganak ay naghahatid sa mga kaawa-awang kaluluwang ito sa paghihikahos at pagkagutom kahit bago pa man sila maisilang sa mundo.

Ang kabalintunaang “pagsuway” nga ka-yang ito ng mga mananampalataya, gaya ng paglalako ng prostitusyon (ang isyung tinalakay ko noong nakaraang Martes), ay produkto ng isang simbahang natutulog sa pansitan at may tinig na hindi nakaaabot sa puso ng mamamayan?

May daan-daang argumentong pabor at kontra sa paggamit ng artipisyal na birth control.

Pero wala nang mas makatwiran pang argumento sa mga batang nagkakalkal sa mga basurahan para kahit paano’y malamnan ang sikmurang maghapon nang kumakalam o mga batang lalaki at babae na napipilitang magbenta ng mura nilang mga katawan para maibsan ang matinding gutom.

At mangyayari ang lahat ng ito bago pa man sila maging teenager!

Hindi na ito isang simpleng usaping moral. Isa na itong problema ng lipunan na dapat na pangunahan ng gobyerno ang pagbibigay ng solusyon.

Ang ating populasyon ay dapat na katumbas ng ating kakayahang magbigay ng mga oportunidad para sa isang disente at katanggap-tanggap na kalidad ng buhay, kabilang ang pagkakaroon ng pagkain, edukasyon at karapatang makaraos sa araw-araw na mga pangangaila-ngan para mabuhay.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert B. Roque, Jr.

About Robert B. Roque, Jr.

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Leave a Reply

Your email address will not be published. Required fields are marked *