HATAW! D'yaryo ng Bayan hatawtabloid.com
ni Dominic Rea
BINISITA ko ang kaibigang Jodi Sta. Maria while shooting para sa pelikulang Maria Leonora Teresa movie ni Direk Wenn Deramas ngStar Cinema.
“Nakaka-three shooting days na kami Marse and sobrang napaka-cool naman ng shooting namin. Puro scenes ko palang ang nakukunan ni Direkdito sa house na ito. Scenes namin nina Joem (Bascon) ‘yung bata, smooth naman ang shooting namin,” tsika pa ni Jodi sa akin.
Kumusta naman ang kanyang role sa pelikulang MLT?
“Sobrang lalim lang kasi alam naman siguro natin ang story nito. Malalim siya na kahit ako, habang sinu-shoot namin, nae-excite ako sa mga eksena. Hindi pa kami nagkakasama nina Iza (Calzado) sa eksena so marami pang mangyayari. I love it! “ aniya.
Paano niya naman pinagkakasya ang isang linggo sa dinami-rami ng trabaho mula sa tvc shoot, taping, at shooting?
“Okey naman. Napagkakasya naman. Nakakapagod lang pero bawal ang magreklamo Marse, hahahaha! Sobrang blessed tayo kaya pasalamat lang tayo always at mahalin ang work,” aniya.
Tuloy na tuloy na ang I Heart You 2 na isang pasasalamat concert ng buong Be Careful With My Heart serye sa lahat ng supporters!
“Yes! Magkita-kita po tayo ngayong July 25, 8:00 p.m. sa Araneta guys. Naku, marami kaming sorpresang gagawin dito ni Richard (Yap) kasama ang buong cast ng serye, abangan nila,” aniyang kuwento pa sa amin.
