Sugatan ang may 30 pasahero nang tumagilid ang isang pampasaherong bus sa barangay Dauis Norte, Carmen, Cebu, kahapon ng hapon.
Ang mga sugatan ay kinabibilangan ng driver ng Ceres Bus na si Ronald Lato.
Isinugod sa Vicente Sotto Memorial Medical Center at Danao Provincial Hospital ang mga sugatang pasahero.
Ayon kay Lato, sinubukan niyang mag-overtake sa isang motorsiklo pero nawalan siya ng kontrol dahil sa dulas ng kalsada kaya bumangga sa gutter at saka tumagilid sa kalsada.( Beth Julian)
