TATLO ang kompirmadong patay sa mahigit sa isang oras na sagupaan ng Moro National Liberation Front (MNLF) at Abu Sayyaf Group (ASG) sa Al-Barka, Basilan noong Sabado ng umaga.
Kabilang sa mga napatay ang komander ng Bangsamoro Islamic Freedom Fighters (BIFF) sa Basilan na si Basir Kasaran dahil sa tama ng bala sa ulo at dalawang kasapi ng MNLF na sina Misuari Suri at Anwar Malik.
Sinasabing bukod sa pagiging supplier ng mga armas sa mga bandido, pinaniniwalaang kontrolado rin nito ang grupo ni Nurhassan Jamiri at Musana Jamiri na may 30 hanggang 40 miyembro.
Ayon kay Lt. Col. Charlie Galvez, kumander ng 104th Infantry Brigade,nagsimula ang bakbakan nang atakihin ng isang grupo ng ASG ang kampo ng MNLF sa Cohon Leddu.
(Beth Julian)
