NANDITO na sa bansa ang power forward ng Minnesota Timberwolves sa NBA na si Kevin Love.
Dumating si Love noong isang araw para pangunahan ang Master Gameface All-Star Challenge na gagawin mama-yang alas-7 ng gabi sa Smart Araneta Coliseum.
Kahapon ay pina-ngunahan ni Love ang isang basketball clinic sa Boystown sa Marikina .
Nag-average si Love ng 26.1 puntos at 12.5 rebounds para sa Timberwolves noong huling NBA season ngunit hindi ito sapat upang u-mabot sila sa playoffs.
Sa ngayon ay hindi pa sigurado kung mananatili pa si Love sa kanyang koponan dahil may plano ang Timberwolves na itapon siya sa ibang koponan.
May lumabas na balita na nais ng Golden State Warriors na kunin si Love kasama si Kevin Martin kapalit nina Klay Thompson at David Lee.
Makakasama ni Love sa Master Gameface All-Star Challenge sina Chris Tiu, Marc Pingris at iba pang mga manlalaro mula sa PBA at UAAP. (James Ty III)
