HATAW! D'yaryo ng Bayan hatawtabloid.com
Kinalap ni Tracy Cabrera
KUNG hindi pa kayo nakakakita ng hitsura ng mga prehistoric na tao, o kaya kung ano ang uri ng pamumuhay nang hindi pa uso ang gripo at modernong supply ng tubig—narito ang halimbawa ng larawasn nitro.
Maaari ngang isipin na ang aming ehemplo ay isang karakter mula sa isang pelikula na ginawa sa Ancient Greece, su-balit doon nga ito nakuha, sa katunayan ay isa siyang lalaki na hindi nagawang maligo sa nakalipas na 50 taon.
Ang 80-anyos na lalaki ay mukhang ‘taong-lupa’ o marahil isang nilikha sa sikat na nobela ni J.R.R. Tolkien na Lord of the Rings.
Ang kanyang balat ay parang kaliskis na nagtututong, hindi na rin halos makita ang kanyang mga mata, at talaga namang ang masamang amoy na umaalingasaw mula sa kanya ay talagang masasamyo kahit 100 metro ang layo.
Ang dahilan dito ay simple lang, wala naman siyang sakit sa balat o masamang kondisyong pangkalusugan; ayaw niya lang maligo at ginawa niya itong panata sa nakalipas na 60 taon.
Naka-post ang kanyang mga larawan sa Reddit at tunay ngang mahirap paniwalaang isa siyang tao at nilalang ng Diyos. Dangan nga lang ay hindi alam ang kanyangb pagkakilanlan at ang tanging impormasyon na alam tungkol sa kanya ay mula siya sa isang liblib na bayan sa Iran.
