Saturday , January 28 2023

All-star cast sa piitan ng Camp Crame

Hindi lang pang Box Office kundi maituturing na ring pang Guiness Book of World Records na rin kung ang pag-uusapan lang ay mga nagkikinangang BITUIN na ipipiit sa PNP Custodial Center ng Kampo Crame. Alam naman natin na mga dating sikat na bituin sa pinilakang tabing sina Senador Denggoy Estrada at Alias Pogi Revilla bago sila pumasok sa daigdig ng PUTIK, este pulitika. Kasama pa si Manong Johnny Enrile aba eh all-star cast na nga ang REALITY SHOW  na “SA HAWLA NI KUYA”. He-he-he.

Bukod sa tatlong hebigat na personalidad alam ninyo bang namumutiktik sa BITUIN ang Custodial Center? Dito rin kasi nakapiit ang i-lang STAR-RANK retired officers ng PNP na sabit sa V-150 armored personnel carrier supply scam sa pangunguna ni dating PNP chief Avelino Razon. Kasama niya ang mga may ESTRELYA din sa balikat noon na sina General Geary Barias at Eliseo dela Paz. Nagniningning ang Camp Crame sa dami ng stars doon. Tsk. Tsk. Tsk.

Bukod din sa kanila, naroon din ang mag-asawang komunistang sina Benito at Wilma Tiamzon at ang dating pulis na si Rizal Alih na ginawan pa ng pelikula noong dekada 80. Ayon kay PNP-PIO chief Artie Sindac, marami pang mga “sikat” na nakakulong doon pero hindi maa ring pangalanan.

Dagdag pa ni General Sindac, hindi naman daw makakapag-usap ang mga senador at heneral dahil magkahiwalay ang mga selda nila. Dahil mas sikat ang tatlong mambabatas na sabit sa Pork Barrel scam, mas magaganda ang kanilang bagong bahay. Ang mga heneral ay nagkakasya diumano sa isang kuwarto kada apat na inmate.

Napakasakit pakinggan na ang mga dating tinitingalang bituin at ginagalang ay nakakulong ngayon. Pero ganun talaga ang realidad ng buhay. Suwerte na rin sila dahil sa kabila ng laki ng kuwartang umano’y nilustay nila, masarap pa rin ang kanilang sitwasyon. Yun kasing mahihirap na snatcher ng cellphone, at mandurukot sa lansangan kadalasan ay sinasalvage na lang para makatipid sa pagkain ng preso.

Teka, paano na ang singing career ni Alias Pogi? Bawal daw ang videoke sa loob kaya’t hi ling na lang ng tatlong senador ay HOUSE ARREST. House? Don’t worry madami rin pong maaaresto sa HOUSE. HOUSE OF REPRESENTATIVES. Magsama-sama kayong lahat diyan.

Ang aking payo sa kanila, tumakbo na lamang sila sa pagkapresidente at bise presidente sa 2016 sa ilalim ng PARTIDO SIGUE-SIGUE SPUTNIK o PARTIDO BATANG CITY JAIL.

Madami botanteng preso.

Joel M. Sy Egco

About Joel M. Sy Egco

Check Also

Richard Yap Jodi Sta Maria Gabbi Garcia Joshua Garcia

Netizens wagi sa ABS-CBN, GMA, VIU collab

RATED Rni Rommel Gonzales PAYANIG ngayong 2023 ang groundbreaking series na Unbreak My Heart dahil nagsanib-puwersa ang GMA, ABS-CBN, …

Marian Rivera Boy Abunda

Marian pasabog ang mga sagot kay Kuya Boy; feeling sexy ‘pag hinahalikan ni Dong sa paa

RATED Rni Rommel Gonzales NAKAAALIW at pasabog ang mga sagot ni Marian Rivera kay Boy Abunda sa first episode …

Alden Richards Boy Abunda Julie Anne San Jose Julie Anne San Jose

Alden inamin kay Kuya Boy, Winwyn at Julie Anne niligawan

I-FLEXni Jun Nardo NAPIGA ni Boy Abunda si Alden Richards para magsalita tungkol sa artistang pinormahan nang mag-guest siya …

Ara Mina

Sa sunod-sunod na trabaho
ARA MINA AYAW MUNA MAGBUNTIS

I-FLEXni Jun Nardo TIME out muna si Ara Mina sa pagbubuntis this year. Eh nagdatingan kay Ara …

Spa Massage

Spa ginagamit para ibugaw mga starlet at indie stars

ni Ed de Leon AKTIBO na naman umano ang mga showbiz pimps. May isang showbiz pimp na …

Leave a Reply