Monday , August 15 2022

Pasay PNP official may doble-bagong kotse (Paging: PNP Chief Dir. Gen. Alan Purisima)

00 Bulabugin JSY

ISANG PNP official sa Pasay City ang tila nakatatanggap ng sandamakmak na biyaya na hindi natin malaman kung saan nagmula.

Aba ‘e, mukhang nakapagpagawa na rin ng bahay na mayroon malaking garahe dahil bumili ng dalawang bagong tsekot na Ford Explorer at Toyota Fortuner.

Mukhang maraming ‘parating’ si Pasay PNP official kaya mabilis ang kanyang pagpupundar.

Kung patuloy na tumataas ang crime rate at vices sa Pasay ‘e sabay naman tumtaas ang kanyang kayamanan!?

PNP chief, Dir. Gen. Alan Purisima, Sir, madali lang pong makilala kung sino ‘yang super-rich na PNP offcial na ‘yan. Nakapangalan pa raw sa misis niya ang mga sasakyan na ‘yan para hindi siya mabuko…

Kung gusto n’yo lang pong makilala ‘e paki-text n’yo lang po ako.

‘TSUBIBO GANG’ RUMARAKET SA BUREAU OF IMMIGRATION

NASASALISIHAN na raw ng ‘tsubibo gang’ ang kampanya ng administrasyon ni Pangulong Benigno “Noynoy” Aquino III laban sa korupsiyon gaya d’yan sa Bureau of Immigration (BI).

Nabuhay na naman kasi ang ‘tsubibo gang’ na dating namamayagpag noong panahon ni dating Justice Secretary Raul Gonzales sa BI na nagpapatuloy hanggang ngayon.

Sa impormasyon na nakaabot sa inyong lingkod, ‘yang ‘tsubibo gang’ ay kasabwat ang isang tinaguriang “The Law Firm” ay muli na namang nagwasiwas ng kanilang ‘galing sa pagpapaikot’ at sa pagkakataong ito ay laban sa kanilang dating kliyente na kilala at inirerespetong Korean businessman.

Ang nasabing Korean businessman ay nakalinya sa importation ng Korean goods and beverage at napilitang kunin ang serbisyo ng The Law Firm, sa napakamahal na retainers fee.

Matapos matuklasan na malaki ang kinikita ng kliyente nilang Koreano nagtayo ang ‘The Law Firm’ ng kaparehong line of business kasosyo ang ilang Koreano bilang financiers at nakipagkompetensiya sa kanilang kliyente.

Pagkatapos ay tuluyan nilang inabandona ang kanilang kliyente.

Hindi pa nakontento, nitong April 7 (2014), nagsampa sila ng isang deportation complaint sa kanilang dating kliyente.

Bilang dating abogado, normal na nasa kanila ang mga dokumento at confidential information laban sa kanilang Korean client, na dapat ay pinanghahawakan ng kanyang mga abogado sa ilalim ng “ lawyer’s-Client” relationship.

Gayonman, ang kaso ay isinalang sa preliminary investigation ng isang Immigration lawyer na sangkot naman sa deportation schemes ng mga Koreano na akusado sa drug trafficking upang makaligtas sa prosekusyon.

Gaya ng inaasahan, ang Korean businessman ay sinampahan ng kaso ng BI Legal Division for violation of Immigration laws.

Noong Mayo 26 (2014), naglabas ang BI ng Mission Order laban sa Korean businessman pero dahil alam ng “few good men” sa BI Intelligence Division, ang layunin ng pagsasampa ng kaso at operation ng “The Law Firm,” hindi nila inihain ang mission order at sinabing ang kaso ay nasa hurisdikdiyon na ng BI Board of Special Inquiry (BSI).

Nabatid na nitong Hunyo 05 (2014) mayroon ng rekomendasyon para sa approval ng Immigration Board of Commissioners.

Ang tanong: bakit napakabilis naman ng desisyon ng nasabing kaso at tila walang due process na ibinigay sa Koreano na biktima ng kanyang dating abogado?

Wala bang kinalaman ang kasalukuyang Justice Secretary sa ganitong uri ng karumal-dumal na operation?

Sa mga dokumentong nakalap, nitong May 19 (2014), nag-isyu si DOJ Secretary Leila De Lima ng Memorandum kay BI Commissioner Siegred Mison na nagtatanong sa “status” ng deportation complaint laban sa Korean businessman.

Kaya naman nagmistula itong “go signal” sa ‘tsubibo gang’ para ituloy ang kanilang operasyon.

Pero nakapagtataka kung bakit hindi tinanong ni Sec. De Lima ang National Bureau of Investigation (NBI) sa status ng Warrant of Arrest na inisyu ni Associate Justice Antonio Carpio ng Supreme Court laban sa isa sa mga abogadong nagrereklamo.

Ang nasabing warrant of arrest ay espesipikong naka-address sa NBI for implementation.

Natuklasan din na ang nasabing complainant lawyer ay may pending warrant of arrest sa kasong swindling/estafa na ipinalabas ng Quezon City RTC Branch—219.

Isang malaking sindikato ang nakatakdang mabuyangyang kay Pangulong Noynoysa kasong ito ng ‘tsubibo gang.’

Abangan!

MGA ‘HONESTO’ SA NAIA KINILALA AT PINARANGALAN NI MIAA GM JOSE ANGEL “BODET” HONRADO

ISA tayo sa mga natutuwa dahil kinilala at pinarangalan ang mga empleyado at personnel sa Ninoy Aquino International Airport (NAIA) na nagpakita ng kanilang katapatan at kabutihang-loob sa pamamagitan ng pagsasauli ng mga napulot nilang mga importanteng bagay gaya ng dokumento, cash sa iba’t ibang currency, alahas, electronic gadgets at iba pa.

Sila ‘yung mga tinatawag na ‘HONESTO SA AIRPORT.’

Mismong si Manila International Airport Authority (MIAA) General Manager  Jose Angel “Bodet” Honrado ang nagbigay ng pagkilala at parangal sa mga nasabing empleyado at personnel.

Ang 15 pararangalan ay sina John Paul Eugenio A. Del Rosario, PRA LBPSC; Marevic M. Gallego, Building Attendant, NAIA T4; Rosemarie S. De Vera, Building Attendant, NAIA T4; Julie A. Esmillo, Building Attendant, NAIA T4;  Pinky D. Muñoz, Building Attendant, NAIA T4; Joel F. Esmena, Building Attendant, NAIA T4; Dennis M. Antolin, Building Attendant NAIA T4; Benedict A. Book, PCR-JOP NAIA T1; Ricky C. Nabong, PCR-JOP NAIA T1; Noriel Ramirez, Building Attendant, NAIA T1; Carlito Ate, Jr., PCR – JOP, NAIA T1; Mr. Moses C. Jimenez, PCR-JCP, NAIA T1; Benigno N. Matinis, Jr., PCR-JOP NAIA T3.

Mapalad tayo dahil marami pa rin Pinoy ang malinis ang puso. Kung mayroong ilang tirador sa Airport, mas marami pa rin ang mabubuting tao.

Mabuhay kayo mga kapatid!

Mabuhay ka GM Bodet Honrado!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Julie Anne San Jose, Rayver Cruz, Janine Gutierrez, Paulo Avelino

Rayver umamin nililigawan si Julie Anne

UMAMIN na ang Kapuso actor na si Rayver Cruz na nililigawan na niya ang Asia’s Limitless Star …

Blind Item Aktor hirap umupo TV Diretor

Baguhang male star naiskuran ni direk

ni Ed de Leon MATINO naman talaga nang pumasok sa showbusiness ang isang baguhang male star. …

Aga Muhlach

Happy birthday, Aga!

HATAWANni Ed de Leon ISIPIN ninyo, ngayong araw na ito, 53 years old na pala …

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Chloe Jenna Christine Bermas Milana Ikemoto

Chloe Jenna nahirapan makipaghalikan kay Christine 

SHOWBIZ KONEKni Maricris Valdez Nicasio MULING sumabak sa pagdidirehe ng sexy ang singer/aktor na si Jeffrey …

Leave a Reply