Wednesday , August 17 2022

Commuters stranded sa ‘caravan’

APEKTADO ang libong-libong commuters nang ma-stranded sa iba’t ibang lugar dahil sa protest caravan o tigil pasada kontra sa pagpapataw nang mataas na multa sa mga kolorum na sasakyan kahapon.

Base sa report na natanggap ng pamunuan ng Metropolitan Manila Development Authority (MMDA), maraming commuters na bumibiyahe mula Cavite hanggang Pasay at Maynila ang na-stranded at nahirapang sumakay.

Naging matagal ang paghihintay ng masasakyan ng mga pasahero sa kahabaan ng Commonwealth at Balintawak sa Quezon City dahil punuan ang iilang pampasaherong bus at jeep, maging ang lugar ng Cavite ay naapektohan ang mga commuters lalo na ang mga nagtatrabaho sa Maynila.

ni JAJA GARCIA

PRANGKISA NG LUMAHOK KAKANSELAHIN

NAGBANTA ang Palasyo sa mga operator ng pampublikong mga sasakyan na lumahok kahapon sa transport strike na kakanselahin ang kanilang prangkisa.

Sinang-ayunan ni Communications Secretary Herminio Coloma Jr. ang pahayag ni Land Transportation Franchising and Regulatory Board (LTFRB) Chairman Winston Ginez na iimbestigahan ang may-ari ng mga prangkisa ng mga pampasaherong sasakyan na sumali sa kilos-protesta laban sa ipapataw na mas mataas na multa sa colorum na mga sasakyan na maaaring magresulta sa pagkansela sa kanilang prangkisa.

“We will subject the franchise owners of public utility vehicles to a hearing and, if evidence warrants, we will cancel their franchise,” pahayag ni Ginez.

Ipinagtanggol din ni Coloma ang pagpataw nang mas mataas na multa sa operator ng colorum na sasakyan dahil dapat aniyang maparusahan ang mga lumalabag sa batas.

“Ang colorum ay illegal, labag sa batas. Pagpapatupad ng batas ang pangunahing layunin [ng ginagawa ng pamahalaan],” sabi ni Coloma.

Naglunsad kahapon ng kilos-protesta ang iba’t ibang transport group bilang pagtuligsa sa administrasyong Aquino bunsod ng pagpayag sa mas mataas na multa para kumita nang malaki ang gobyerno.

”Sa ganyang paraan mapapangalagaan ang kaligtasan at kapakanan ng mga mamamayan,” giit ni Coloma.

Simula kahapon ay ipinatupad na ng Department of Transportations and Communications (DoTC) ang bagong patakaran na nagpapataw ng multa sa operator ng colorum sa unang paglabag pa lang, bus: P1 milyon, trucks: P200,000, jeepneys: P50,000,vans: P200,000, sedans: P120,000 at motorcycles: P6,000.

(ROSE NOVENARIO)

About hataw tabloid

Check Also

Joel Villanueva Daniel Fernando Alexis Castro Bulacan

Sa ika-444 anibersaryo ng pagkatatag ng Bulacan
VILLANUEVA, FERNANDO, CASTRO NANGUNA SA SELEBRASYON AT PAGBIBIGAY-PUGAY 

PINANGUNAHAN ng Bulakenyong Senador at Senate Majority Leader Emmanuel “Joel” Villanueva, kasama sina Gobernador Daniel …

shabu

P.340-M droga kompiskado sa 5 miyembro ng criminal group

ARESTADO ang limang hinihinalang miyembro ng Randy Domingo Crime Group sa ikinasang buy bust operation …

earthquake lindol

5.5 magnitude na lindol yumanig sa Davao del Sur

NIYANIG ng magnitude 5.5 lindol ang lalawigan ng Davao del Sur nitong Lunes ng hapon, …

Bulacan Police PNP

Sa Bulacan
7 TUPADA BOYS, 2 KAWATAN, 2 TULAK TIMBOG

NADAKIP ng mga awtoridad ang ang pitong nagtutupada, dalawang suspek sa insidente ng nakawan, at …

Muntinlupa Police

Muntinlupa ginawaran ng Best City Police Station Award ng SPD

IGINAWAD sa Muntinlupa City Police ng Philippine National Police (PNP) ang Best City Police Station …

Leave a Reply