11 magsasaka kinidlatan (1 patay, 2 sugatan)
VIGAN CITY – Isa ang patay at dalawa ang sugatan makaraan tamaan ng kidlat ang 11 magsasaka na nagtatanim ng palay sa Ilocos Sur kamakalawa.
Ayon kay Chief Insp. Simon Damolkis ng PNP Sta. Cruz, nangyari ang insidente sa Brgy. Lantag, bayan ng Sta. Cruz.
Agad binawian ng buhay ang biktimang si Bonifacio Fabro, Jr., 23, habang ang dalawang sugatab ay sina Ramsey Fabro, 26, at Carlo Magno, 24-anyos.
Sa imbestigasyon, nagtatanim ng palay ang tatlong biktima kasama ang walong iba pa nang biglang bumuhos ang malakas na ulan, kumulog, kumidlat at nakakita umano sila ng malaking apoy.
Dinala sa Ilocos Training Medical Center sa La Union ang dalawang sugatan para malapatan ng lunas.
Himalang nakaligtas ang walong iba pa.
(BETH JULIAN)
