Tuesday , August 9 2022

8-anyos totoy ipinatuklaw sa ahas ni itay (Binato ng martilyo, hinampas ng buckle pinaputukan ng baril)

061814_FRONT
TAMBAK na kaso ang kinakaharap ng isang ama makaraan ipatuklaw sa ahas, paluin ng buckle ng sinturon batuhin ng martilyo at paputukan ng baril ang kanyang 8-anyos anak na lalaki sa Binangonan, Rizal.

Sa ulat na tinanggap ni S/Supt. Bernabe Balba, Rizal PNP Provincial Director, kinilala ang naarestong ama na si Gerardo Atabo Pampilo, 45, nakatira sa Blk-28, Lot-16, Phase-1B, Mabuhay Homes, Brgy. Pantok ng nabanggit na bayan.

Ayon sa pulisya, nangyari ang krimen dakong 4 a.m. sa loob ng kanilang bahay kamakalawa.

Sinasabing ubos-lakas na hinampas ng buckle ng sinturon ng suspek ang anak na itinago sa pangalang Buknoy at binato ng martilyo sa mukha.

Hindi pa nasiyahan, pinadapa at pinagpapalo ng sinturon ang buong katawan at saka ipinatuklaw sa alaga niyang ahas.

Pagkaraan ay kinuha ang kanyang baril at ilang ulit na ipinaputok sa itaas na naging dahilan upang himatayin sa matinding takot ang paslit.

Nang mahimasmasan ay humingi ng saklolo ang biktima sa barangay hall at kay Chief Insp. Bartolome Marigondon.

Itinuro rin ng bata sa mga awtoridad ang pinagtataguan ng mga baril ng ama sa kanilang bahay.

Sa follow-up operation ng mga awtoridad dakong 10 p.m. naaresto ang suspek at nakompiska ang iba’t ibang uri ng baril.

Bukod sa kasong child abuse, sasampahan din ang suspek ng kasong illegal possession of firearms and ammunitions.

Nasa pangangalaga na ng Department of Social Welfare and Development (DSWD) ang biktima.

ni ED MORENO

About hataw tabloid

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …

Leave a Reply