Wednesday , March 22 2023

Sa Daigdig ng mga Engkanto (IKA-56 labas)

NAMAMAALAM NA SI MINAY PERO HANGAD PA RIN NIYANG MAKASAMA SI TOTOY SA PAROROONAN

 

Ang mapuputlang palad ni Carmina na mistulang ibinabad sa yelo ay gagap ni Aling Azon na nakaupo sa sahig.   Sa kabilang panig, yakap naman ni Abigail ang nakatatandang kapatid na hinahagkan-hagkan sa noo at hinahagod-hagod ng kamay ang nakalugay na buhok sa banig. Ang batang si Obet, sa pagkakalupasay sa sahig, ay walang tigil sa pagpapahid ng kamay sa sipon at luhang nagsasanib sa madangol na pisngi.

Nangalog ang mga tuhod ko sa marahang mga paghakbang. Papalapit na papalapit sa kinararata-yang higaan ni Carmina ay giyagis na ako ng matinding takot na noon lamang naranasan sa buong buhay ko.

Hindi ko naintindihan kung ano ang sinabi ni Carmina kay Abigail. Dinampot ng dalagita sa tabi ng unan niya ang isang cellphone. May pindot-pindot si Abigail sa keypad ng cellphone. Tumunog ito. Isang himno ang awiting pumuno sa nakabibinging katahimikan.

Matapos ang awiting pinatugtog sa cellphone ay luminga si Crmina sa inang kagat-kagat nang mariin ang mga labi. Sa habol-hiningang pagbubuka ng nagbibitak na mga labi ay naisatinig niya ang samo’t lambing kay Aling Azon: “Ipagpatuloy n’yo ang pagpapadoktrina para magkasama-sama tayo sa paroroonan ko. A-at sana, mahikayat n’yo si Totoy…”

Sapat ang mga katagang narinig upang ang isang lalaking tulad ko na may matigas na kalooban ay mapatangis. At hindi ko nagawang maikubli ang malalaking patak ng luhang bumukal sa aking mga mata.

Gumaralgal ang tinig ko: “M-Minay… narito ako.”

Nabosesan ako ni Carmina. Nag-angat siya ng paningin at pilit inaninaw ang mukha ko. Nang mapaluhod ako sa tabi niya ay marahan siyang nag-angat ng isang kamay. Humaplos sa pisngi ko ang kanyang malamig na palad.

“H-hihintayin kita do’n sa langit, ha?”

Tumulo sa sahig ang malalaking patak ng luha ko sa pagtango. Pahagulgol na naipangako ko sa babaing aking iniibig: “S-susundan kita sa pupuntahan mo.”

(Itutuloy)

ni Rey Atalia

About hataw tabloid

Check Also

Krystall Herbal Oil

Benepisyo ng CPC at Krystall Herbal Oil sa mga ‘feeling bloated’ at FGO Libreng Seminar

Back to BasicNATURE’S HEALINGni Fely Guy Ong Dear Sis Fely Guy Ong,          I’m one …

SM DOTr 1

SM Cares, DOTr launch Share the Road video campaign to promote safer, more accessible roads

DOTr Undersecretary Mark Steven C. Pastor and DOTr Secretary Jaime J. Bautista join SM Supermalls …

Krystall Herbal Oil

Siklista tuwang-tuwa sa bagong kaibigan na Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Isa po …

Krystall B1B6, Krystall Herbal Oil

62-anyos jeepney driver, tuhod namaga, pinaimpis ng Krystall Herbal Oil at Krystall Vit. B1B6

Back to BasicNATURE’S HEALINGni Fely Guy Ong Dear Sis Fely Guy Ong, Magandang araw po …

Krystal Herbal Oil Krystall Yellow Tablet

UTI ng rider tinabla ng Krystall Yellow tablet at Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

Leave a Reply