Pinakalumang pares ng pantalon

NADISKUBRE ang dalawang pares ng pantalon na may edad na 3,300taon sa malayong western Xinjiang region ng Tsina, ulat ng state-media.

Natagpuan ng mga archeologist ang menswear na ginawa mula sa balat ng hayop na suot pa ng labi ng dalawang mummy, na kinilalang lalaking shamans nasa edad 40-anyos, ulat ng China Daily.

Isang international team ang nagsanib para i-repair at ipreserba ang dalawang pares—na tinatayang pinakalumang nadiskubre at may malinaw na pagkawangis sa modernong pantalon, sabi ng report.

“Halos kamukha ng makabagong pantalon na isinusuot ngayon ng mga kalalakihan,” ulat ng report sa pahayag ni Lu Enguo, isang researcher sa Institute of Archaeology sa Xinjiang.

May mga nauna nang nadiskubre na kahintulad ng modernong pantalon ngunit ginawa ang mga ito nang naaayon sa mas simpleng disenyo at may kulang na tela para takpan ang bahagi ng pagkalalaki ng nagsusuot nito, dagdag ni Lu.

Pinaniniwalaan ng mga archaeologist na ilang mga nomad sa nasabing rehiyon ang nakaimbento ng pantalon para sa pagsakay sa kabayo.

Ang nasabing mga nomad “noong una’y nagsusuot ng isang uri ng pantalon na may dalawang legs,” ani Xu Dongliang, deputy head ng nabanggit na institute.

Ang kauna-unahang pantalong may ‘crotch patch’ na masasabing pinakaluma ay yaong nadiskubreng mula sa 2,800 taon nakalipas.

Kinalap ni Tracy Cabrera