Sunday , August 14 2022

May milagro pa bang gagawin ang Heat?

NAKALUBLOB na sa kumunoy ang Miami Heat.  Tanging ilong na lang ang nakalabas na humihinga.

At mukhang isang himala na lang ang hinihintay ng Heat para makaahon kontra sa San Antonio Spurs sa pagpapatuloy ng Game 5 ng NBA Finals ngayong Lunes.

Lamang sa serye ang Spurs, 3-1.  At isang panalo na lang, aangkinin na nila ang kampeonato.

At para hindi mangyari iyon—kailangang manalo ng tatlong sunod ang Heat para muling manakaw ang kampeonato sa Spurs tulad ng nangyari noong nakaraang season.

Pero gaya nang sinabi natin, kailangan nilang manalo ng tatlong sunod na panalo para muling magmilagro.

Tingin natin—very remote na mangyari ang milagro dahil matindi ang inilalaro ng mga manlalaro ng Spurs na sina Kahwi Leonard, Tim Duncan at Tony Parker.

Ang matindi pa, yung dalawang laro na inilaro sa teritoryo ng Heat ay ninakaw ng Spurs.

At hindi lang basta ninakaw—sinisiw  pa ng Spurs ang  nagmistulang mga amateur players na sina Lebron James at Dwayne Wade.

Sabi nga ng mga eksperto sa basketball, nakarekta na ang Spurs para kunin ang Game 5 at ang kampeonato ng NBA. Lalo na’t ilalaro ang nasabing laro sa teritoryo ng San Antonio.

Tanong ng mga fans ng Miami, bakit nga ba parang walang kakuwenta-kuwenta ang inilaro ng Heat pagkatapos na maisahan nila ang Spurs sa Game 2 na inilaro pa naman sa bahay ng San Antonio?

Nakakapagtaka nga dahil sa naging panalo ng Heat sa Game 2 ay inaakala ng karamihan ng kritiko na  dodominahin na  ng Miami sa pagkakataong ito ang Spurs.

Pero bigla ngang nabaligtad ang ekspektasyon.

Tiyak na may malaking problemang kinakaharap ang Heat bilang team.   Iyon ang pananaw ng karamihan ng miron.   Pero sa kasalukuyan ay wala pang opisyal na pahayag ang pamunuan ng Miami kung ano iyon.

Ang maririnig mo lang at mababasa sa mga write-ups sa  internet ay pawang mga espekulasyon.

Sa ngayon ay umaasa pa rin ang fans ng Heat na makakabuwelta ito at gagawa ng imposibleng milagro.   Ikanga nila, hindi pa opisyal na tapos ang serye.

At matindi ang paniniwala nila na mananatiling BILOG ANG BOLA.

Alex Cruz

About hataw tabloid

Check Also

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Christopher Castellano Elizsa Gayle Cafirma

Antipolo City, Rizal team lalahok sa Sen. Manny Pacquiao Tuna Festival chess meet

MANILA — Nagbigay ng kahandaan ang Antipolo City, Rizal team players na lalahok sa Sen. …

Chess

Prince Maverick naghari sa GM Balinas Training Center 1st Anniversary

NAGPAKITANG GILAS ang 19-anyos na si Prince Maverick Cornelio ng Poblacion, Pamplona matapos makaipon ng …

Dave Apolinario

Gideon Buthelezi tulog sa 1st round kay Pinoy prospect Dave Apolinario

IMPRESIBO ang ipinakita ni Filipino prospect Dave Apolinario nang patulugin niya sa 1st round ang dating …

Marlon Bernardino Avocadoria FIDE Rated Rapid Chess Tournament

NM Bernardino nagkampeon sa 1st  Ever Avocadoria FIDE Rated Rapid Chess Tournament

MARIKINA CITY—Tumapos si last-minute entry National Master Almario Marlon Quiroz Bernardino Jr. sa 11-Round tournament, …

Leave a Reply