Monday , April 22 2024

Plunder, Graft vs 3 Pork Senator ini-raffle na

INI-RAFFLE na ng Sandiganbayan kahapon ng umaga ang kasong plunder at graft na inihain ng Ombudsman laban sa tatlong senador kaugnay sa multibillion-peso pork barrel scam.

Pinagsamasama ng anti-graft court ang 45 criminal information na kanilang natanggap, 42 ang graft at tatlo ang plunder.

Ang plunder case at graft cases ni Senador Juan Ponce Enrile ay hahawakan ng Sandiganbayan 3rd division, sa pamumuno ni Presiding Justice Amparo Cabotaje-Tang.

Ang mga kaso ni Senador Jinggoy Estrada ay hahawakan ng 5th division, sa pamumuno ni Associate Justice Roland Jurado.

Habang ang mga kaso ni Senador Ramon “Bong” Revilla, Jr., ay hahawakan ng 1st Division, sa pamumuno ni Associate Justice Efren dela Cruz.

Ayon kay Cabotaje-Tang, nagdesisyon silang pagsamahin ang lahat ng mga kaso upang maging simple ang paglilitis dahil ang graft cases ay may kaugnayan sa plunder complaints.

Ang Sandiganbayan ay may 10 araw para madetermina ang probable cause sa inihaing mga kaso.

Ngunit sinabi ni Sandiganbayan Spokesperson Renato Bocar, maaaring hindi sapat ang 10 araw dahil komplikado ang mga kaso.

ARESTO MATAGAL PA

NILINAW ng Sandiganbayan na hindi agad maaaresto sina Sens. Juan Ponce-Enrile, Jinggoy Estrada at Bong Revilla.

Ito’y kahit nai-raffle na ang mga kaso ng tatlo sa Sandiganbayan.

Ayon kay Sandiganbayan Spokesperson Renato Bocar, may 10 araw ang justices para pag-aralan ang kaso.

Ngunit hindi aniya ibig sabihin na pagkatapos ng 10 araw ay maglalabas agad ng arrest warrant dahil baka kailangan pa ng Sandiganbayan justices ng panahon para pag-aralan ang kaso.

Sinabi ni Bocar, marami ang mga ebidensiya at komplikado pa ang nature ng kaso.

Bukod aniya rito, kailangan pa resolbahin ng anti-graft court ang mga mosyon para sa determination of probable cause at mosyon na humihiling na isuspinde ang proceedings.

ENRILE HUMIRIT NG PIYANSA

HINILING ni Senate Minority Leader Juan Ponce Enrile sa Sandiganbayan na payagan siyang magpiyansa sakaling madetermina na may probable cause ang kinakaharap na kasong plunder kaugnay sa pork barrel scam.

Sa 51-pahinang urgent omnibus motion, iginiit ni Enrile na hindi siya guilty sa mga akusasyon laban sa kanya.

Apela ni Enrile sa anti-graft court, payagan siya makapiyansa kahit na malakas ang mga ebidensiya laban sa kanya, dahil hindi siya tatakas.

Napag-alaman, ang plunder ay isang non-bailable offense o hindi maaAring magpiyansa.

Binigyang-diin ni Enrile sa kanyang petisyon na siya’y 90-anyos na at kailangan ng medical attention.

(CYNTHIA MARTIN)

About hataw tabloid

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *