Friday , August 12 2022

Air 21 kontra SMB

BABALIGTARIN ng Air 21 ang pangyayari at pupuntiryahin ang twice-to-beat na bentahe sa quarterfinals sa pagkikita nila ng San Miguel Beer sa PLDT Home Telpad PBA Governors Cup mamayang 5 pm sa Alonte Sports Arena sa Binan. Laguna.

Sa unang laro sa ganap na 2:45 pm ay mamamaalam na sa season ang Globalport kontra Meralco.

Magugunitang nagkita sa quarterfinals ng nakaraang Commissioner’s Cup ang Beermen at Express. Kahit na may twice-to-beat advantage ang San Miguel Beer ay namayani ang Express upang umusad sa semifinals kontra sa San Mig Coffee.

Noong Miyerkoles ay nahirapan ang Air 21 kontra sa nangunguelat na Globalport bago nanaig, 106-102 upang umangat sa 5-3.

Sa gabi ring iyon ay natalo naman ang San Miguel Beer sa Barangay Ginebra, 105-98 upang malaglag sa 4-4. iyon ang ikalawang sunod na kabiguan ng Beermen na natalo rin sa Meralco, 90-74 sa kanilang out-of-town game sa Cagayan de Oro City noong Sabado.

Laban sa Batang Pier, ang import ng Air 21 na si Dominique Sutton ay nagtala lang ng 28 puntos kontra sa 35 ni Dior Lowhorn.

Subalit binuhat ng beteranong si Paul Asi Taulava ang Express sa endgame.   Sa kabila ng pagkakaroon ng sugat sa kaliwang bahagi ng noo ay nagtapos si Taulava ng may 17 puntos at siyam na rebounds. Nagtala ng 15 puntos si Jonas Villanueva at nagdagdag ng 13 si Joseph Yeo.

Patuloy na nami-miss ng San Miguel Beer ang serbisyo nina Marcio Lassiter, Chris Ross at Paolo Hubalde na pawang may injuries.

Ang San Miguel Beer ay binubuhat nina Reggie Williams, June Mar Fajardo, Arwind Santos, Doug Kramer at Chris Lutz.

Ang Globalport ay natalo sa huling anim na laro at may 1-7 record. Ang Bolts ay may 2-6 karta.

Sa import match-up ay makakatapat ni Lowhorn si Mario West.

Bukas ay balik sa Smart Araneta Coliseum ang mga laban kung saan maghaharap ang Alaska Milk at Barako Bull sa ganap na 3 pm at magtutunggali ang Talk N Text at Barangay Ginebra sa ganap na 5:15 pm.

About hataw tabloid

Check Also

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Christopher Castellano Elizsa Gayle Cafirma

Antipolo City, Rizal team lalahok sa Sen. Manny Pacquiao Tuna Festival chess meet

MANILA — Nagbigay ng kahandaan ang Antipolo City, Rizal team players na lalahok sa Sen. …

Chess

Prince Maverick naghari sa GM Balinas Training Center 1st Anniversary

NAGPAKITANG GILAS ang 19-anyos na si Prince Maverick Cornelio ng Poblacion, Pamplona matapos makaipon ng …

Dave Apolinario

Gideon Buthelezi tulog sa 1st round kay Pinoy prospect Dave Apolinario

IMPRESIBO ang ipinakita ni Filipino prospect Dave Apolinario nang patulugin niya sa 1st round ang dating …

Marlon Bernardino Avocadoria FIDE Rated Rapid Chess Tournament

NM Bernardino nagkampeon sa 1st  Ever Avocadoria FIDE Rated Rapid Chess Tournament

MARIKINA CITY—Tumapos si last-minute entry National Master Almario Marlon Quiroz Bernardino Jr. sa 11-Round tournament, …

Leave a Reply