Thursday , March 28 2024

Bagahe ng OFW tinangay ng taxi driver

NANLULUMONG nagtungo sa himpilan ng pulisya ang isang babaeng overseas Filipino worker (OFW) makaraan tangayin ng taxi driver ang kanyang bagahe sa Pasay City kamakalawa ng gabi.

Halos maiyak sa sama ng loob si Almaliza Valeriano, 29, may asawa, tubong-Tuguegarao, Cagayan, residente ng 2142 Alvarez St., Pasay City.

Sa pahayag ng biktima kay Chief Insp. Joey Goforth, sumakay siya sa taxi (TXP 530) dakong 9:30 p.m. sa panulukan ng Tramo at Buendia para magpahatid sa kanilang bahay.

Aniya, kasama ang kanyang pinsan na si Maricel Panga, inilagay nila sa compartment ang bagahe, at bago sila sumakay ay tiniyak na saradong mabuti ang compartment.

Pagdating nila sa harap ng bahay, bumaba sila upang kunin ang dalang mga bagahe sa compartment ng taxi nang bigla na lamang pinasibad ng driver ang taxi

Sinabi ng biktima, maraming mahahalagang gamit na nakalagay sa bagahe tulad ng laptop, passport at ibang mga alahas.

Wala pang isang linggo sa Filipinas ang biktima mula Canada.

Aniya, uuwi sana siya sa Cagayan upang pasyalan ang mga magulang.

Nanawagan ang biktima sa taxi driver na isauli na lamang ang kanyang mahahalagang papeles na nakalagay din sa isang bag na tinangay ng suspek.

Makikipag-ugnayan ang pulisya sa Land Transportation Regulatory Board (LTFRB) upang mabatid ang operator ng taxi para maaresto ang suspek.

(ROSE NOVENARIO)

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *