HATAW! D'yaryo ng Bayan hatawtabloid.com
ni RONNIE CARRASCO
SINADYA naming abangan ang pilot episode noong Lunes ang ”real” soap sa GMA na tampok ang dalawang babae sa salawahang puso ni Dingdong Dantes.
Sa unang sultada nito, kumbaga sa table of contents ng isang libro ay inilatag na ang mga dapat matisod ng mga mambabasa from cover to cover. Na-establish na kasi ang mga pangunahing tauhan na iikot ang conflict ng kuwento.
Madalas nating kuwestiyonin bilang mga manonood ang pagiging dragging o pagkakaroon ng mabagal na progression sa kuwento, thus, we say na napaka-slow-paced ang paglalahad nito na mas pipiliin pa marahil ng viewer na matulog sa halip na maburyong.
In a sense, na-achieve naman ng soap na ito ang fast pace, only that it’s too fast-forward.
Opening scene, malugod na tinanggap ng karakter ni Maricel Soriano ang educational award ek-ek, palibhasa’y nasa academe ang kanyang ama. In-establish lang na isa siyang accomplished and career-oriented single woman na naghahanap ng tunay na mangingibig despite her age.
Sa isang eksena, sa pagsagip ni Maricel sa isang mag-inang muntik nang masagasaan ay siya ang napuruhan. Unconscious and sprawled on the ground, ang motorcycle rider na si Dingdong ang nagsalba sa kanyang buhay.
Next scene: magdyowa na sila! At may adopted child pa na may eksenang pagsasaluhan nilang mag-anak ang isang cake in their bedroom! This must be a welcome invitation sa mga langgam at hantik, that a tiny morsel of that cake ay puwedeng problemahin pa ng art department with the colonial attack of ants!
Kung sabagay, pilot episode pa lang naman ang aming napanood, as there might be some story-telling redemption sa mga susunod na palabas. Or so we hope.
