Wednesday , July 24 2024

Plunder vs ex-prexy, 3 senators sona-bida (Filing ng P10-B pork case tatalakayin)

TINIYAK ng Palasyo na tatalakayin sa ikalimang State of the Nation Address (SONA) ni Pangulong Benigno Aquino III sa Hulyo 21 ang pagsasampa ng mga kaso laban sa mga sangkot sa P10-B pork barrel scam.

Sinabi ni Communications Secretary Herminio Coloma Jr., bahagi ng prayoridad ng administrasyong Aquino ang good governance at anti-corruption, alinsunod sa Philippine Development Plan (PDP), kaya makakasama sa SONA ang pagpapanagot sa mga responsable sa pork barrel scam.

Gayonman, pinabulaanan ni Coloma ang akusasyon ni Sen. Jinggoy Estrada na itinaon sa darating na SONA ang pagsasampa ng Ombudsman sa Sandiganbayan ng kasong plunder laban sa kanila nina Sens. Juan Ponce Enrile at Bong Revilla.

Ani Coloma, hindi kontrolado ng Palasyo kung kailan matatapos ang imbestigasyon sa isyu.

Sa katunayan aniya, noon pang Agosto 2013 inihain sa Ombudsman ng Department of Justice (DoJ) ang mga kaso at ngayon lamang Hunyo naisampa ito ng Ombudsman sa Sandiganbayan.

Samantala, naniniwala si Senator Jinggoy Estrada na kabilang sila sa laman ng susunod na State of the Nation Address (SONA) ni Pangulong Benigno “Noynoy” Aquino III sa susunod na buwan.

Aniya, bukod sa kanya ay kasama rin sina Senators Bong Revilla Jr. at Juan Ponce Enrile sa aniya’y “accomplishment” ng administrasyong Aquino.

Bukod sa kanilang tatlo, kombinsido rin si Estrada na laman muli ng SONA ang ginawang pagpapakulong sa dating presidente at kasalukuyang Pampanga Rep. Gloria-Macapagal Arroyo. . (ROSE NOVENARIO/NINO ACLAN)

SPECIAL DIVISION SA PORK TRIAL ISINULONG

IMINUNGKAHI ni Senate Majority Leader Alan Peter Cayetano sa Sandiganbayan ang pagbuo ng special division upang mapabilis ang paglilitis sa kasong plunder na kinahaharap ng tatlong senador na sina Sen. Juan Ponce Enrile, Sen. Jinggoy Estrada at Sen. Ramon “Bong” Revilla Jr., makaraan isampa ng Office of the Ombudsman.

Ayon Kay Cayetano, dapat na agarang gawin ito ng Sandiganbayan upang matutukan ang kaso ng tatlong senador sa layunin na matapos ang paglilitis sa kanila bago matapos ang termino ni Pangulong Benigno “ Noynoy” Aquino III sa 2016.

Hindi naiwasan ni Cayetano na mabahala sakaling kaalayado ng tatlong mga akusado ang maupong pangulo sa 2016 dahil aniya ay maaaring mawawalan ng saysay ang kaso sa posibilidad na maimpluwensyahan ng susunod na pangulo ng bansa. (NINO ACLAN)

Hirit ni Jinggoy
JPE ‘DI DAPAT IKULONG

UMAPELA si Senador Jinggoy Estrada na huwag nang ikulong pa si Senador Juan Ponce Enrile, isa sa mga akusado.

Ayon kay Estrada, sa edad ni Enrile na 90-anyos, hindi na siya dapat pang ikulong sa piitan.

Iginiit ni Estrada, bagama’t kapwa nila akusado si Enrile ay dapat na silang dalawa na lamang ni Sen. Ramon “Bong” Revilla Jr. ang ikulong at huwag na si Manong Johnny.

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *