“Free rides tayo sa Independence Day, para sa mga mamamasyal sa Luneta, whole day ‘yun,” pahayag ni Metropolitan Manila Development Authority (MMDA) Chair Francis Tolentino.
Sa Hunyo 12, Araw ng Kalayaan, magbibigay ng libreng sakay sa ferry ang pamunuan ng MMDA.
Sinabi ni MMDA Chief, bibigyan ng pagkakataon ang mga nais mamasyal at sumakay sa ferry lalo na ang mga magtutungo sa Maynila para mamasyal sa Luneta.
Tiwala si Tolentino na ngayon linggo sa pasukan ng mga kolehiyo, dadagsain ng mga pasahero ang ferry.
Matatandaan, bumaba ang bilang ng mga sumasakay sa ferry nang itakda ang P50 pasahe para sa malalayong destinasyon.
Isa ito sa naging dahilan upang bawasan ng P5 bukod sa 20 % discount sa mga estudyante, senior citizens at person with disabilities.
(JAJA GARCIA)
