HATAW! D'yaryo ng Bayan hatawtabloid.com
ni Reggee Bonoan
ANG paboritong direktor ni Vic Sotto na si Tony Y. Reyes ay nagustuhan si Zanjoe Marudo sa isang pelikula dahil hindi raw siya nahirapang idirehe ang aktor.
“I’m amazed with Zanjoe kasi parang nakita ko ang young Vic Sotto sa kanya,” papuri ni direk Tony kay Z (palayaw ng aktor).
At nataon din daw na idolo ni Zanjoe si bossing Vic.
Oo nga, hindi naman nagkakalayo sina Vic at Zanjoe dahil kapag napuri sila ay ngiti lang ang reaksiyon na parang wala lang.
Pero say ni Zanjoe, ”thank you Direk Tony. Thank you at nagkatrabaho tayo at kahit paano naramdaman kong ako si Vic Sotto sa pelikulang ito.”
Sadya bang sinusundan ni Zanjoe si bossing Vic?
“Ewan ko kung saan man dalhin. Noong bata ako, sila na talaga ‘yung mga pinapanood ko hanggang ngayon.
“So hindi na talaga nawala sa ‘kin, sila Bossing talaga ‘yung nakuha nila ‘yung market ng lalaki,” paliwanag ng aktor.
At ang nagustuhan daw ni Z kay Vic, ”siguro ‘yung ano, ‘yung pagiging relaxed, napaka-relaxed na tao.”
