Marian, ‘di pala masyadong sikat! (Taga-Batasan Hills, ‘di kilala ang aktres)

ni Alex Brosas

AYAW naming isipin na hindi pala kasikatan itong si Marian Rivera pero parang iyon ang nangyayari.

Sa isang episode kasi ng Juan for All, All for Juan segment ng Eat! Bulaga ay hindi mabanggit ng tama ang kanyang pangalan. ‘Yung isang lalaki, ang tawag kay Marian ay Miriam. Ni hindi nga mabanggit ang apelyido ng dyowa ni Dingdong Dantes.

‘Yung isang babaeng nagwagi naman sa segment ang hindi rin kilala si Marian na tinawag niyang Marianne as in Marianne dela Riva.

Na-offend ba si Marian? Kung na-offend siya ay hindi naman niya ipinahalata. Laugh lang siya nang laugh sa kahihiyang inabot niya on national television.

Sari-sari ang reaction ng marami sa social media. Mayroong nagsasabing hindi kapani-paniwala na hindi nila kilala si Marian. Sikat na sikat daw ang dalaga para hindi makilala ng madla.

There were some who were saying na ang barangay Batasan Hills na dinayo ng taga-Eat! Bulaga ay ABS-CBN country kaya hindi nila kilala si Marian doon.

Well, it makes sense.