HATAW! D'yaryo ng Bayan hatawtabloid.com
ni Vir Gonzales
NAKAHIHINAYANG naman ‘yung proyektong Maria Leonora Teresa, pamosong manika nina Nora Aunor at Tirso Cruz III noong araw dahil tinanggihan ni Judy Ann Santos.
Noong Birthday ni Juday, ipinaliwanag niyang nanghihinayang din siya pero hindi ito matatanggap dahil may mga ibang commitment na naunang tinanggap.
Ayun, napunta tuloy kay Iza Calzado na tuwang-tuwa. Rati kasing reyna ng masa si Juday at bagay na pumalit kay Nora na 20 years na reyna ng pelikulang Tagalog.
May mga nagkokomento, baka kaya hindi na tinanggap ni Judat ay dahil gustong masundan na ang anak nila ni Ryan Agoncillo? Mahihirapan nga namang magkaroon ng kasunod ang kanilang anak, dahil tiyak puyatang katakot-takot kapag may teleserye na.
Oo nga naman. Parang gusto na nilang masundan. Balitang magbabalik ang Talentadong Pinoy ni Ryan sa TV5. Lumalaylay kasi ang naturang estasyon buhat nang mawala ito sa ere.
BE CAREFUL… KAILAN NGA BA MATATAPOS?
MAY mga nagtatanong, bakit daw hanggang ngayon, hindi pa matapos-tapos ang Be Careful with my Heart? Napakahaba naman daw teleserye, parang paulit-ulit na lang.
Nagkaligawan na sina Richard Yap at Jodi Sta. Maria, naging mag-asawa, nagka-anak na, pero heto ka, hindi pa rin tapos ang istorya.
Marami kasi ang gusto namang makapanood kay Richard at Jodi na iba naman ang kapareha. Para kasing naibigay ng lahat ang dapat makita sa naturang teleserye. Mabuti nga may gagawin si Richard kasama si Vice Ganda. Hindi po sila magkapareha, magkasama lang.
Katakot-takot na blessings ang natanggap ni Richard sa naturang proyekto katambal si Jodi.
