Friday , January 28 2022

Paglangoy, diving dapat ituro sa mga bata

Napapanahon na nga bang turuan ang mga kabataan sa paglangoy lalo na’t patuloy ang paglala ng panahon na ma-dalas ang pagbaha? Sa totoo lang, dapat noon pa. Ang Pilipinas ay isang bansang napapaligiran ng karagatan at ang mga lawa at ilog ay nagkalat din sa loob ng arkipelago. Kung mayroon man siguro tayong sport na dapat i-develop, ito ang swimming o diving. Alam ba ninyo, mga kanayon, na batay sa datos na ipinaalam sa amin noon ni Tourism Secretary Ramon Jimenez, sadyang kakaunting kabataang Pinoy o kahit na matatanda ang marunong lumangoy? Baka nga mas marami pa ang marunong mag-basketball o kaya ay mag-computer games. Tsk tsk. Ayon sa Kalihim noong huling nagpulong ang Philippine Commission on Sports Scuba Di-ving (PCSSD) sa pamumuno ni Karen Chan, panahon na para gawing isang FAD o “uso” sa mga Pinoy ang swimming at diving. Alam ba ninyong may halos 500 dive sites sa Pinas na hindi pa nade-develop? Kung sakaling ma-develop ang mga ito, maaaring pagkakitaan nang malaki ng tourism industry?

Sa ganang akin naman, nararapat lamang na maging aware ang mga kabataan sa kabutihang dulot ng kaalaman sa paglangoy. Hindi lamang kapag may excursion o outing kundi panghabambuhay na kaalamang maaring magligtas ng sarili mong buhay o buhay ng kapamilya. Maraming pagkakataong nakikita natin malala ang pagbaha. Mantakin na lamang ninyo kung walang marunong lumangoy sa pamilya ninyo. Paano na?

Kaya noong una kong narinig na may nagpanukala nito, agad po tayong natuwa. Bukod kasi sa iba pang kabutihang dulot ng kaalaman sa paglangoy o pagsisid, nagpapaganda rin ito ng kalusugan.

Siyempre, kapag nag-dive ang isang tao, doon lang makikita ang kagandahan ng mundo sa ilalim ng tubig. Sadyang mas mapayapa, tahimik at talagang napakaganda ng karagatan at ito ang isang malaking pasalamat ko nang ako’y maitalaga bilang isa sa Commissioners ng PCSSD sa imbistasyon ng aking kaibigan at bete-ranong DIVE MASTER na si Benedict Reyes.

Isa sa pinakamahalagang ambag ng PCSSD sa dive industry ay ang pagkakaroon ng mga HYPERBARIC CHAMBER sa iba’t ibang rehiyon. Ito ang ginagamit ng divers, lokal man o banyaga laban sa decompression sickness na nakamamatay.

Marami ang nagtatanong, kung mahal daw ba ang diving. Sa ngayon medyo ngunit kapag naging “uso” na ito, sa tingin ko gaya ng mga nagmamahalang bisikleta noong araw o kahit mga computer gadgets, bababa rin ang gastos sa diving hanggang ito’y maging pang-masa na rin.

Ikaw, marunong ka bang lumangoy?

Joel M. Sy Egco

About Joel M. Sy Egco

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Nadine Lustre Tattoo

Nadine muling nagpa-tattoo sa braso

MATABILni John Fontanilla IPINAKITA ni Nadine Lustre ang bagong dragon tattoo sa kanyang braso na umabot hangang …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Leave a Reply