Wednesday , July 17 2024

Bea, pinakamaganda, pinakamalinis, at pinaka-disenteng makipag-kissing scene — Ms. Susan Roces

ni Roldan Castro

AMINADO si Bea Alonzo na kinakabahan siya at may pressure na papalitan ng teleseryeng Sana Bukas Pa Ang Kahapon ang kontrobersiyal serye nina Angel Locsin, Maja Salvador, at Jericho Rosales, na The Legal Wife. Pero nabubuhayan daw siya ng loob sa magandang feedback ‘pag ipinalalabas ang trailer ng naturang serye.

Dalawang magkaibang babae na kapwa naghahanap ng hustisya ang makikilala ng TV viewers ngayong Hunyo sa nalalapit na pagsisimula ng pinabakabagong primetime drama series ng ABS-CBN na Sana Bukas Pa Ang Kahapon.

Sa serye ay gagampanan ni Bea ang roles ng matapang na abogadang si Emmanuelle at ang mabuting loob na tagapagmana ng isang malaking kompanya na si Rose, na kalaunan ay mapagbibintangan ng isang krimen na hindi niya ginawa.

Todo papuri rin  ang original Movie Queen na si Ms. Susan Roces sa bagong Movie Queen na si Bea, siya raw ang pinakamaganda, pinakamalinis, at pinaka-disenteng makipag-kissing scene.

Dagdag naman ni Dina Bonnevie na kasama sa serye na fan daw siya ni Bea. Talagang inaaral daw ang role niya, ang ganda raw kahit umiiyak sa screen at kahit sobrang intense ang love scene sa movie, hindi raw ‘baboy’ panoorin.

So, sino ngayon sa mga ka-batch ni Bea ang balahura, barubal, at maruming makipag-kissing scene? Sino ang baboy panoorin sa love scene?

Bwahaha!

Anyway, bukod kay Bea, tampok sa Sana Bukas Pa Ang Kahapon ang isang powerhouse cast na binubuo ng award-winning actors na sina Paulo Avelino, Dina Bonnevie, Tonton Gutierrez, Maricar Reyes, at Albert Martinez; at ng mga beteranong artista na sina Eddie Garcia, Anita Linda, at Susan Roces. Kasama rin sa teleserye ang mga Kapamilya child star na sina Miguel Vergara at Ben Isaac at sina Malou Crisologo, Nikki Valdez, Francis Magundayao, at Michelle Vito. Tampok din sina Bembol Rocco, Chinggoy Alonzo, Christian Vasquez, at Lara Quigaman na mayroong espesyal na partisipasyon. Ito ay sa ilalim ng direksiyon nina Jerome Pobocan at Trina Dayrit.

About Roldan Castro

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

Blind Item, Matinee Idol, Mystery Man

Male Starlet walang maipagmalaking project kahit nakakontrata sa isang kompanya

ni Ed de Leon ANG bagay nga sigurong project para sa isang male starlet ay “Bata. Bata …

James Reid Issa Pressman

James Reid lipas na, inulan ng panlalait sa internet 

HATAWANni Ed de Leon KAWAWA rin naman si James Reid kung noong panahon ng kanyang kasikatan ay …

cyber libel Computer Posas Court

Batas laban sa Cyber Crime malabnaw

HATAWANni Ed de Leon NATAWAG ang aming pansin sa isang video na napanood sa programa …

James Reid Liza Soberano

James inihayag Liza maraming nakalinyang projects

MA at PAni Rommel Placente MALAKI raw ang posibilidad na gumawa ng pelikula sina James Reid at …

Leave a Reply

Your email address will not be published. Required fields are marked *