Tuesday , July 16 2024

5 bagets patay 37 sugatan sa 2 sunog sa Maynila

060414_FRONT

LIMA katao ang namatay habang 37 ang sugatan  sa dalawang sunog na naganap sa dalawang lugar sa Maynila, iniulat kahapon

Kinilala ng  Manila Bureau of Fire Protection  ang mga biktimang sina Joana Racet dela Cruz, 21; Jamaica de La Cruz, 17; isang nakilalang Shane, kaibigan ni Joana; Junjun, 16; at isang Tintin.

Ang mga biktima ay na-suffocate sa nasusunog na kwartong kanilang tinulugan sa ikalawang palapag ng  commercial-residential building sa Tahimik St., Delpan, Tondo.

Ayon kay FO3 Oliver Sison, ng BFP, sumiklab ang sunog sa mini-grocery nasa ground floor ng gusali dakong 3:56 a.m. na umabot sa ikalimang alarma at  idineklarang fire-out dakong 4:46 a.m.

Sa ulat, tatlo sa mga biktima ang natagpuan sa kwarto sa ikalawang palapag, sa unang palapag nakita ang bangkay ni Junjun  at sa banyo natagpuan ang bangkay ni Tintin.

Ang may-ari ng mini-grocery na si Wilson Villanueva ay nagbakasyon sa kanilang probinsiya nang maganap ang sunog.

Nabatid, lumuwas mula sa Aklan ang dalawang apo ni Villanueva na sina Joana at Jamaica upang mag-aral sa Maynila.

Nakaligtas sa sunog sina Marvin Frado at Ronald Bulevar, mga tauhan ng tindahan, matapos tumalon mula sa ika-lawang palapag.

“Dakong 3:00 po ng madaling araw nang magsara kami, tapos nagising na lang kami  dahil sa makapal na usok at apoy, tinangka namin gisingin ‘yong mga babae, pero naka-lock ‘yong kuwarto nila kaya tumalon na lang kami palabas,”ayon kay Frado.

Samantala, tinatayang 37 katao ang sugatan, karamihan mga batang naglalaro, makaraang sumabog ang tangke ng liquefied petroleum gas (LPG) sa Parola Compound, Tondo, dakong 6:45 p.m.

Nabatid, kabibili ni Alfredo Puro ng tangke ng LPG nang mapansin niyang sumisingaw kaya’t kanyang dinala sa eskinita na nagkataong nagluluto ang kanyang kapitbahay nang biglang sumabog ang tangke at agad kumalat ang apoy nadamay ang ilang bahay.

Sa record ng BFP, 37 ang nasugatan pero karamihan ay hindi na nagpadala sa pagamutan dahil sa kawalan ng pera.

Sa record ng barangay, 42 ang nasugatan at si Puro ay malubhang nasugatan sa pagsabog ng tangke. Patuloy ang isinasagawang clearing operation ng mga bombero.

ni leonard basilio

About hataw tabloid

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Leave a Reply

Your email address will not be published. Required fields are marked *