Wednesday , July 24 2024

Pangilinan hari sa Asian Youth Chess

PINITAS ni whiz kid Stephen Rome Pangilinan ang titulo sa 2014 Asian Youth Selection Boys Division – Under 12 matapos kaldagin si Lee Roi Palma sa sixth at final round na ginanap sa Philippine Sports Commission canteen sa Rizal Memorial sa Vito Cruz kamakalawa.

Tumipa ng 5.5 points si top seed Pangilinan (elo 2093) upang makuha ang kampeonato sa event na inorganisa ng National Chess Federation of the Philippines sa pangunguna ni NCFP executive director GM Jayson Gonzales.

“Maganda po ang laro ko ngayon kaya nag-champion po ulit ako,” saad ni Pangilinan na nagkampeon sa US noong siya ay anim na taong gulang pa lang.

Nakuha ni Emanuel Van Paler ang segundo puwesto habang kinana ni Sem Canasta ang third place matapos ilista ang 4.5 at 4.0 puntos ayon sa pagkakasunod.

Nakipaghatian ng puntos si Paler kay Mark Daniel Shannon Aguimbag habang dinaig ni Canasta si Cedrick Sevillano.

Tinabla ni National Master Giovani Mejia (elo 2171) ang laro nito kay Jonathan Jota upang makuha ang kampeonato sa Boys U-18.

Nilista ni No.2 seed Mejia ng limang puntos mula sa apat na panalo at dalawang draws sa event na ipinatupad ang six rounds swiss system.

Apat ang magkasalo sa second to fifth place na may parehong apat na puntos subalit matapos ang tie-break points nakuha nina Melwyn Kenneth Baltazar (elo 2124) at Paul Robert Evangelista (elo 2075) ang pangalawa at pangatlong puwesto.

Sa distaff side, winalis ni WFM Janelle Mae Frayna ang mga nakalaban upang mag-reyna sa Under-18.

Giniba ni Frayna (elo 2133) si WCM Mira Mirano sa last round upang ilista ang malinis na anim na puntos.

Pumangalawa si Karen Jean Enriquez tangan ang 4.5 puntos habang third place si Crissa Canada. (ARABELA PRINCESS DAWA)

About hataw tabloid

Check Also

Eric Buhain Speedo tilt sa RMSC, PH sasabak sa AOSI tourney

Speedo tilt sa RMSC, PH sasabak sa AOSI tourney

INIHAYAG ng Philippine Aquatics Inc. (PAI) sa pakikipagtulungan ng Speedo Philippines ang pagdaraos ng 2024 …

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Leave a Reply

Your email address will not be published. Required fields are marked *